ඇතිමලේ – කොටියාගල ප්‍රදේශයේ කුඹුරු වැඩ කරමින් සිටියදී අකුණු සැර වැදීමෙන් 65 හැවිරිදි පුද්ගලයකු ඊයේ ජීවිතක්ෂයට පත්ව තිබේ.

මේ අතර, අද දිනයේ පළාත් කිහිපයකට මිලිමීටර් 75 ඉක්මවූ තද වර්ෂාපතනයක් අපේක්ෂා කරන බව කාලගුණ විද්‍යා දෙපාර්තමේන්තුව පවසයි.

බස්නාහිර, සබරගමුව සහ වයඹ පළාත්වලට මෙම තද වැසි ඇතිවීමට ඉඩ ඇත.

තද වැසි සමඟ ගිගුරුම් සහිත වැසිද ඇති විය හැකි අතර, තද සුළං ඇතිවීමේ අවදානමක් ඇත.

අකුණු අනතුරු අවම කර ගැනීමට පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම්දෙයි.