උත්සන්න වන ගෝලීය සරම්ප තර්ජනයට ප්‍රතිචාර වශයෙන්, ශ්‍රී ලංකාවේ සෞඛ්‍ය ප්‍රවර්ධන කාර්යාංශය 2023 අප්‍රේල් 07 සහ 2023 ජූලි 05 අතර උපත ලද ළදරුවන්ගේ දෙමාපියන් සහ භාරකරුවන් ඉලක්ක කර ගනිමින් තීරණාත්මක නිවේදනයක් නිකුත් කර ඇත.

කොළඹ, ගම්පහ, කළුතර, ගාල්ල, මාතර, මහනුවර, යාපනය, කුරුණෑගල සහ කල්මුණේ යන අධි අවදානම් දිස්ත්‍රික්ක සහ ප්‍රදේශයේ මෙම හදිසිතාව විශේෂයෙන් අවධාරණය කෙරේ.

2024 ජනවාරි 06 වන විට මාස 06 සිට මාස 09 දක්වා වයස් වල පසුවන ළදරුවෝ, අතිරේක සරම්ප එන්නත් මාත්‍රාවක් සඳහා සුදුසුකම් ලබති.

හඳුනාගත් අවදානම් කලාප තුළ අධික ලෙස බෝවන සරම්ප රෝගයට එරෙහිව ප්‍රතිශක්තිය ශක්තිමත් කිරීම මෙම පියවරේ අරමුණයි.

තම ළදරුවන්ට මෙම අතිරේක මාත්‍රාව ලබාගැනීම සහතික කිරීම සඳහා 2024 ජනවාරි 06 වැනි දින පෙ.ව. 9:00 සිට සවස 4:00 දක්වා අවට එන්නත් මධ්‍යස්ථාන වෙත පැමිණෙන ලෙස සෞඛ්‍ය ප්‍රවර්ධන කාර්යාංශය මාපියන්ගෙන් ඉල්ලා සිටී.