දේශීය වෙළෙදපොළේ පවතින හිඟයක් හේතුවෙන් සියඹලාවල මිල ශීඝ්‍රයෙන් ඉහළ යමින් පවතී.

සාමාන්යයෙන් මිල රු. 350-400 දක්වා වූ සියඹලා කිලෝග්‍රෑමයක් අද (12) හැටන් ප්‍රදේශයේ රුපියල් 2000කට අලෙවි කර ඇත.

වෙළඳුන්ට අනුව, පසුගිය මාසවල සියඹලා අස්වැන්න භයානක ලෙස හිඟවීම හේතුවෙන් මෙලෙස තියුණු ලෙස මිල ඉහළ ගොස් තිබේ.

මාර්තු අගදී අපේක්ෂා කරන අස්වැන්න නෙළන කාලය අවසන් වන තුරු හිඟය පවතිනු ඇතැයි ඔවුහු අපේක්ෂා කරති.

සියඹලා බොහෝ ආහාර සැකසීමේ ප්‍රධාන අමුද්‍රව්‍යයක් වන අතර හින්දු සහ අනෙකුත් ප්‍රජාවන් විසින් බහුලව භාවිත කරනු ලැබේ.

ලබන අඟහරුවාදා (14) දිනට යෙදෙන තෛපොංගල් උත්සවය සඳහා විවිධ සාම්ප්‍රදායික ආහාර පිළියෙළ කිරීමේදී වැදගත් අංගයක් වන සියඹලා සංස්කෘතික හා ආගමික වැදගත්කමක් දරයි.