March 28, 2024
එළැඹෙන සිංහල සහ දෙමළ අලුත් අවුරුද්ද වෙනුවෙන් මත්පැන් මිල අඩුකරන බවට පැතිර යන කටකතාවල කිසිදු පදනමක් නොමැති බව සුරාබදු දෙපාර්තමේන්තුව පවසයි.
සුරාබදු දෙපාර්තමේන්තුවේ මාධ්‍ය ප්‍රකාශක චන්න වීරක්කොඩි පැවසුවේ, මත්පැන් සඳහා පනවා ඇති අධික සුරාබදු හේතුවෙන් ඉහළගොස් ඇති මත්පැන් මිල ගණන් අඩුකිරීමට පියවර ගන්නා බවට මේ වන විට මාධ්‍ය තුළ ප්‍රචාරය වෙමින් පවතින බවයි.
සුරාබදු දෙපාර්තමේන්තුවේ නිසි බලධාරියා වන මුදල් අමාත්‍යංශයෙන් මත්පැන් සඳහා වන සුරා බද්ද සංශෝධනය කිරීමට කිසිදු නියෝගයක් හෝ උපදෙස් ලැබී නොමැති බැවින් මත්පැන් මිල අඩු නොකරන බවද ඔහු පැවසීය.
එබැවින් මත්පැන් මිල අඩු කිරීම පිළිබඳ පුවත අසත්‍ය සහ පදනම් විරහිත බව සුරාබදු දෙපාර්තමේන්තුවේ මාධ්‍ය ප්‍රකාශක වීරක්කොඩි පැවසීය.
පසුගිය සතියේ සුරාබදු ප්‍රධානී එම්.ජේ.ගුණසිරි ප්‍රකාශ කළේ, ඉහළ මිල ගණන් හේතුවෙන් මෙරට මත්පැන් පරිභෝජනය සැළකිව යුතු ලෙස අඩුවෙමින් පවතින බවයි.
මේ වසර අවසන් වන විට සපුරාලීමට රුපියල් බිලියන 232ක වාර්ෂික බදු ඉලක්කයක් දෙපාර්තමේන්තුවට ලබා දී ඇති බව ඔහු පැවසීය.
2023 ජනවාරි නිෂ්පාදනයට සාපේක්ෂව මේ වසරේ ජනවාරි මාසයේදී මත්පැන් නිෂ්පාදනය ලීටර් 650,000කින් පහත වැටී ඇති බැවින් මෙම ඉලක්කය සාක්ෂාත් කර ගැනීම සැක සහිත බව ඔහු සඳහන් කළේය.
