ජනප්‍රිය ගායන ශිල්පිනි නිරෝෂා විරාජිනිගේ මාලබේ ප්‍රදේශයේ නිවෙසට අයුතු ලෙස ඇතුළුවීමේ චෝදනාව යටතේ අත්අඩංගුවට ගෙන කඩුවෙල අධිකරණයට ඉදිරිපත් කළ සැකකරුවකු හෙට (14) දක්වා රක්ෂිත බන්ධනාගාරගත කරන ලෙස කඩුවෙල වැඩබලන මහේස්ත්‍රාත් කමල් විජේසිරි නියෝග කර ඇත.

මාලබේ පොලීසිය විසින් මෙසේ අත්අඩංගුවට ගෙන ඇත්තේ, වයස අවුරුදු 35ක පුද්ගලයෙකි.

සැකකරු මීට පෙර අවස්ථා කිහිපයකදීම ඇයගේ නිවෙසට ඇතුළුවීමට උත්සාහ දරා ඇත.

ඒ සම්බන්ධයෙන් ලැබුණු පැමිණිලි පිළිබඳ දීර්ඝ ලෙස විමර්ශනයක් කළ මාලබේ පොලිසියේ ස්ථානාධිපති ප්‍රධාන පොලිස් පරික්ෂක ප්‍රසාද් රත්නායක ප්‍රමුඛ කණ්ඩායමක් ඒ අනුව සැකකරු අත්අඩංගුවට ගෙන තිබේ.