නාරම්මල – කිවුල්ගල්ල ප්‍රදේශයේදී ත්‍රිරෝද රථයක් සහ ලොරි රථයක් මුහුණට මුහුණ ගැටීමෙන් අද උදෑසන සිදුවූ අනතුරකින් පිරිමි පුද්ගලයන් දෙදෙනකු සහ කාන්තාවක ජීවිතක්ෂයට පත්ව ඇති බව පොලිසිය පවසයි.

බරපතල තුවාල ලැබූ ත්‍රිරෝද රථයේ රියදුරු, කාන්තාවන් දෙදෙනකු සහ පිරිමි පුද්ගලයකු නාරම්මල රෝහලට ඇතුළත් කර ඇති අතර, එක් අයෙකු රෝහලට ඇතුළත් කරන විටත් මියගොස් සිටි ඇත.

ත්‍රිරෝද රථ රියදුරු සහ කාන්තාවක් කුරුණෑගල රෝහලට ඇතුළත් කිරීමෙන් පසු මියගොස් තිබේ.

මියගොස් ඇත්තේ කැලණිය සහ වත්තල ප්‍රදේශවල පදිංචි අවුරුදු 50 සහ 53 වයස්වල පසුවන පිරිමින් සහ 61 හැවිරිදි කාන්තාවකි.

තුවාල ලැබූ තවත් කාන්තාවක කුරුණෑගල රෝහලේ ප්‍රතිකාර ලබයි.

අනතුර සම්බන්ධයෙන් ලොරි රථයේ රියදුරු අත්අඩංගුවට ගෙන ඇත.