January 25, 2025
කොළඹ බේරේ වැව අසල තාරාවන් ඇතුළු කුරුල්ලන් මිය යෑම සම්බන්ධයෙන් ජාතික ජලජ සම්පත් පර්යේෂණ හා සංවර්ධන ඒජන්සිය හෙවත් නාරා ආයතනය (NARA) පරීක්ෂණයක් ආරම්භ කර තිබේ.
පසුගිය සතිය තුළ, වැව අවට තාරාවන් සහ පාත්තයන් ගණනාවක් මියගොස් සිටියදී සොයාගෙන තිබිණි.
ප්‍රදේශයේ පදිංචිකරුවන් කියා සිටින්නේ වැවේ දුර්ගන්ධය අඩු කිරීම සඳහා රසායනික ද්‍රව්‍ය එකතු කිරීමෙන් පසු මෙම පක්ෂි මරණ වාර්තා වී ඇති බවයි.
නාරා ආයතනය විසින් කරන ලද මූලික සොයාගැනීම්වලින් හෙළි වී ඇත්තේ වැවෙන් එකතු කරන ලද ජල සාම්පලවල ඔක්සිජන් මට්ටම අඩු බවයි.
ජලයේ ඇති රසායනික ද්‍රව්‍ය කුරුල්ලන්ගේ මරණයට හේතු වී ඇත්ද යන්න තවදුරටත් සිදුකෙරෙන පරීක්ෂණ මගින් තීරණය කළ හැකි බව එම ආයතනය ප්‍රකාශ කළේය.
