June 10, 2024
ඉන්දීය අගමැති නරේන්ද්‍ර මෝදි මේ වසරේ අගෝස්තු මාසයේදී ශ්‍රී ලංකාවට පැමිණීමට ඉඩ ඇති බව ජනාධිපති කාර්යාලයේ නිලධාරීන් මාධ්‍යවේදීන් වෙත ප්‍රකාශ කර තිබේ.
අගමැති මෝදිගේ දිවුරුම් දීමේ උත්සවයට සහභාගී වූ ජනාධිපති රනිල් වික්‍රමසිංහ ඉන්දීය අගමැතිවරයාට ශ්‍රී ලංකාවට පැමිණෙන ලෙස ආරාධනා කර ඇත්තේ ඉරිදා රාෂ්ට්‍රපති භවන්හිදී හමුවූ අවස්ථාවේදීය.
අගමැති මෝදිගේ සංචාරය පිළිබඳව වික්‍රමසිංහ දිල්ලි නුවරදී අද ඉන්දීය විදේශ කටයුතු ඇමැති එස්.ජයිශංකර් සමඟ සාකච්ඡා කර තිබේ.
ජනාධිපතිවරයා සහ ඉන්දීය විදේශ කටයුතු ඇමැතිවරයා ඉන්දීය නායකයාගේ සංචාරය සම්බන්ධයෙන් සාකච්ඡා කර ඇති අතර එහිදී අනාවරණය වූයේ එම සංචාරය මේ වසරේ අගෝස්තු මාසයේදී සිදුකිරීමට ඉඩ ඇති බවයි.
ජයිශංකර් ජනාධිපති වික්‍රමසිංහට නුදුරේදීම ශ්‍රී ලංකාවට පැමිණ ඉන්දීය අගමැතිවරයාගේ සංචාරය පිළිබඳ සොයා බලන බවට ද සහතික වී තිබේ.
