March 13, 2024
විවිධ හේතූන් මත මීට පෙර ශ්‍රී ලංකාවෙන් පිටව ගිය වෛද්‍යවරුන් මේ වන විට යළි දිවයිනට පැමිණීම හේතුවෙන් පවතින වෛද්‍ය හිඟයට බලාපොරොත්තු සහගත සහනයක් සැලසෙන බව සෞඛ්‍ය අමාත්‍යාංශය පවසයි.
ප්‍රවෘත්ති සාකච්ඡාවකට එක්වෙමින් නියෝජ්‍ය අධ්‍යක්ෂ ජනරාල් (වෛද්‍ය සේවා) වෛද්‍ය ජී. විජේසූරිය මේ බව සඳහන් කළේය.
“මීට පෙර, විශේෂයෙන් විදේශයන්හි පශ්චාත් උපාධි පුහුණුව ලබන වෛද්‍යවරුන් නැවත ශ්‍රී ලංකාවට නොපැමිණීමේ ප්‍රවණතාවක් තිබුණා. කෙසේවෙතත්, වෛද්‍යවරුන් වැඩි ප්‍රමාණයක් ආපසු පැමිණීමට තීරණය කිරීමත් මෙම ප්‍රවණතාවයේ ආපසු හැරීමක් අපි දැන් දකිනන පුළුවන්” වෛද්‍ය විජේසූරිය ප්‍රකාශ කළේය.
ඵලදායී විසඳුම් සෙවීම සඳහා අදාළ පාර්ශ්වකරුවන් සමඟ සිදුකෙරෙන සාකච්ඡා පිළිගනිමින් මෙම ගැටලුව පුළුල් ලෙස විසඳීමේ වැදගත්කම ද සෞඛ්‍ය අමාත්‍යාංශය අවධාරණය කරයි.
