ශ්‍රී ලංකාවේ සුපිරි ක්‍රිකට් ක්‍රීඩක කුසල් මෙන්ඩිස්ට එළඹෙන ICC පිරිමි T20 ක්‍රිකට් ලෝක කුසලානයට සහභාගී වීම සඳහා අමෙරිකාවට යෑමට වීසා බලපත්‍රය ලැබී තිබේ.

ඉදිරි දින කිහිපය තුළ ඔහු අමෙරිකාව බලා පිටත්ව ගොස් ශ්‍රී ලංකා සංචිතයට එක්වනු ඇතැයි අපේක්ෂා කෙරේ.

ශ්‍රී ලංකා ජාතික කණ්ඩායම පසුගිය සතියේ අමෙරිකාව බලා පිටත්ව ගිය නමුත් කුසල් මෙන්ඩිස්ට වීසා ලබා ගැනීම ප්‍රමාද වීම හේතුවෙන් ඔහුට කණ්ඩායමට එක්වීමට නොහැකි විය.

එක්සත් ජනපද තානාපති කාර්යාලයට අවශ්‍ය අමතර තොරතුරු මත වීසා බලපත්‍රය ප්‍රමාද වූ නමුත් ඔහුගේ වීසා බලපත්‍රය ලැබීමත් සමඟ එය විසඳී තිබේ.

එළැඹෙන අන්තර්ජාතික ක්‍රිකට් තරගාවලිය සඳහා ජාතික සංචිතය මේ වන විටත් සූදානමින් සිටී.

ICC පිරිමි ක්‍රිකට් ලෝක කුසලානය 2024 ජූනි 01 දින ආරම්භ වන අතර ඊට අමෙරිකා එක්සත් ජනපදය සහ බටහිර ඉන්දීය කොදෙව්වන් සම සත්කාරකත්වය දරනු ලැබේ.