ශ්‍රී ලංකාව සහ බංග්ලාදේශය අතර තරග තුනකින් සමන්විත විස්සයි20 තරගාවලියේ පළමු විස්සයි20 තරගය ලකුණු 3කින් ජයග්‍රහණය කිරීමට ශ්‍රී ලංකාව සමත් විය.

වේලාසනින් කඩුලු දැවී ගියද බංගලාදේශය අවසානය දක්වාම සටන් කරන ලද්දේ ශ්‍රී ලංකාවේ පන්දු යවන්නන්ගේ සහාය හිමිවීම හේතුවෙනි.

පසුගිය IPL 2023 තරගාවලිය අවසානයේ, මතීෂ පතිරණ ශ්‍රී ලංකා ක්‍රිකට් ක්‍රීඩාවේ මීළඟ සුපිරි තරුව ලෙස හඳුන්වනු ලැබුවේ ඔහුගේ පැයට කිලෝමීටර 150කට වැඩි අධිවේගී පන්දු හේතුවෙනි.

ඔහු චෙන්නායි සුපර් කිංග්ස් සමඟ මාස දෙකකට ආසන්න කාලයක් IPL ක්‍රීඩාකර ඇති අතර ඉන්දීය හිටපු නායක එම්.එස්. දෝනි යටතේ තරග කර තිබේ.

එතැන් සිට පසුගිය මාස නවය තුළ අන්තර්ජාතික තලයේ ශ්‍රී ලංකාව වෙනුවෙන් ක්‍රීඩා කරන පතිරණට ඊයේ රාත්‍රිය වැරදී ගියේය.

බංග්ලාදේශයට එරෙහි පළමු විස්සයි20 තරගයේදී බංග්ලාදේශය ලකුණු 206ක් ආරක්ෂා කර ගනිමින් සටන් කරන විට එක් අවස්ථාවක 68/4ක් ලෙස අසීරු අඩියකට පත්විය.

ඒ වන විට මතීෂ පතිරණ ද විශිෂ්ට පන්දු යැවීමක නිරත වෙමින් ලකුණු 2කට කඩුල්ලක් දවාගෙන සිටියේය.

එහෙත් මහමුදුල්ලා සහ ජේකර් අලි නිසි T20 පහරවල් ක්‍රීඩා කළ අතර, ශ්‍රී ලංකාවට එහිදී පීඩනය එල්ලවීමට පටන් ගත්තේය.

අපේක්ෂා කළ පරිදි, පීඩනය 21 හැවිරිදි පතිරණ වෙත එල්ල වූ අතර, ඔහු වයිඩ් පහර 09 ක් සහ නොබෝල් පන්දු 03ක් යැවීම නිසා එය T20 තරගයකදී පන්දු 36 කින් සමන්විත පන්දුවාර 04ක් නිමකිරීමට මතිෂට සිදුවිය.

පළමු ඕවරයේ ලකුණු දෙකක් පමණක් ලබාදුන් මතීෂ, සිය ඕවර හතර අවසන් කරන ලද්දේ, ලකුණු 1/56 ක් ලෙසිනි.

අවසානයේ දසුන් ශානකගේ දක්ෂ පන්දු යැවීම හේතුවෙන් තරගය අවසන් පන්දුවේ ජයගැනීමට ශ්‍රී ලංකාව සමත් විය.

කෙසේවෙතත් එළඹෙන IPL තරඟ වාරයේදී නැවතත් චෙන්නායි කණ්ඩායම වෙනුවෙන් තරග වැදීමට නියමිතව සිටින මතීෂ පතිරණට එය අනිවාර්යයෙන් අමතක කර දැමිය යුතු රාත්‍රියක් වේ.