කළුතර කොට්ඨාස භාර නිළධාරීගේ අධීක්ෂණය යටතේ පවතින කළුතර කොට්ඨාස අපරාධ විමර්ශන ඒකකය මගින් T-56 ගිනි අවි 01 සහ ආයුධ රැසක් සමගින් සැකකරුවන් දෙදෙනෙකු අත්අඩංගුවට ගැනීමට සමත්වී ඇත.

එහිදී, ටී 56 අවි – 01ක්,උණ්ඩ 28ක්,මැගසින් 01ක්,ගල්කටස් 01ක්,වායු රයිෆල් 01ක්,කඩු 07ක් සහ ඩප්පි 02ක් අත්අඩංගුවට ගත් බව පොලිසිය පවසයි.

අත්අඩංගුවට ගත් පළමු සැකකරු ගුණෙත්ති රවී ජනක සිල්වා (අවු.46 ) 29/ඒ/1, දෙල්ගොඩ, අගුරුවාතොට, හොරණ ලිපිනයේ පදිංචිව සිටින අතර, දෙවැ සැකකරු ළහිරු මදුසංක පෙරේරා (අවු.29) හෙරොයින් 11g ක් සමගින් අත්අඩංගුවට ගෙන ඇත.

පාර්ශව දෙකක් අතර කලක සිට පවතින ආරවුලක් හේතුවෙන් අනෙක් පාර්ශවයේ පුද්ගලයකු ඝාතනය කිරීමේ අරමුණින් මෙම ආයුධ සන්තකයේ තබාගෙන සිට ඇති අතර, සහකාර පොලිස් අධිකාරිවරයාගේ අධික්ෂණය යටතේ කළුතර කොට්ඨාස අපරාධ විමර්ශන ඒකක මගින් වැඩිදුර විමර්ශන සිදුකරනු ලබයි.