දුම්රිය නියාමකවරුන් සේවයට වාර්තා නොකීරීම හේතුවෙන් අද දිනය තුළ කාර්යාල දුම්රිය හා දහවල් ධාවනය වන දුම්රිය ගමන් වාර 16 ක් පමණ අවලංගු කිරීමට දුම්රිය දෙපාර්තමේන්තුවට සිදුව ඇති බව වාර්තා වේ.

පසුගිය මාස කිහිපය තුළම, මාසයේ අවසාන සතියේ මෙසේ දුම්රිය අවලංගුවීම නොකඩවා සිදුවෙමින් පවතී.

දුම්රිය නියාමකවරුන්ට මාසිකව ගෙවනු ලබන අතිකාල ප්‍රමාණය සම්පූර්ණ වූ පසු නැවත ඔවුන් සේවය සදහා වාර්තා නොකොට ලෙඩ නිවාඩු වාර්තා කරනු ලබන අතර, දුම්රිය ගමන් වාර අවලංගු කිරීමට සිදුව ඇත්තේ එබැවින් බව පැවැසේ.

පසුගිය මාස කිහිපයේම මෙම හේතුව මත දුම්රිය ගමන් වාර අවලංගු කිරීම නිසා මගී ජනතාව දැඩි අපහාසුතාවට ලක්ව ඇත.