රත්නපුර – ශ්‍රීපාද මාර්ගයේ උඩමළුව ප්‍රදේශයේදී ශ්‍රී පාද වන්දනාවේ ගිය 33 හැවිරිදි වන්දනාකරුවකු ආරක්ෂිත වැටෙන් පැනීමෙන් අතුරුදන් වී ඇත.

මෙලෙස අතුරුදන්ව ඇත්තේ හම්බන්තොට, සූරියවැව ප්‍රදේශයේ පදිංචිකරුවෙකි.

ඔහු පෙරේදා (19) උදෑසන තවත් කාන්තාවන් දෙදෙනකු සමඟ ශ්‍රී පාදස්ථානයට ගොස් ඇති අතර, ශ්‍රී පාද උඩ මළුවේ CCTV කැමරාවල සටහන් වී ඇති පරිදි මෙම පුද්ගලයා රත්නපුර – ශ්‍රීපාද මාර්ගය ඔස්සේ පහළට බසිමින් සිටියදී එක්වරම දිවගොස් ආරක්ෂිත වැටෙන් බිමට පැන තිබේ.

අතුරුදන් වූ තරුණයා සොයා ලක්ෂපාන යුද හමුදා කඳවුරේ යුද හමුදා නිලධාරීන් මෙහෙයුමක් දියත් කර ඇත.

මෙම පුද්ගලයා වැටෙන් පැනීමට පෙර අවසිහියෙන් කටයුතු කළ බව ඔහු සමඟ පැමිණි කාන්තාවන් දෙදෙනා පොලිසියට පවසා තිබේ.