වයස අවුරුදු දෙකට අඩු ළමුන්ගෙන් සියයට 98 කට පමණ වර්ධනයට සහ සංවර්ධනයට අවශ්‍ය අවම පිළිගත හැකි ආහාර නොලැබෙන බැවින් පකිස්තානයේ සින්ද් පළාතේ ළදරුවන්ගේ සහ කුඩා දරුවන්ගේ ආහාර ගැනීමේ පිළිවෙත් සතුටුදායක නොමැති බව යුනිසෙෆ් නියෝජිත අබ්දුල්ලා ඒ ෆාඩිල් පවසා තිබේ.

“මාස 6-23 අතර ළමුන් සඳහා අවම ආහාර විවිධත්වය සහ අවම පිළිගත හැකි ආහාර වේල හුදු 12.6pc සහ 2.2pc වේ, එයින් පෙන්නුම් කරන්නේ සින්ද්හි මෙම වයස් කාණ්ඩයේ ළමුන්ගෙන් 98% ක් පමණ ළමයෙකුගේ වර්ධනය හා සංවර්ධනය සඳහා නිර්දේශිත අවම පිළිගත හැකි ආහාර හෝ ලබා නොගන්නා බව යැයි ද ඔහු පැවසුවේය.

යුනිසෙෆ් නියෝජිත අබ්දුල්ලා ඒ ෆාඩිල් මේ බව කියා සිටියේ සින්ද් ප්‍රධාන අමාත්‍ය සයිඩ් මුරාද් අලි ෂා ඉදිරියේ පකිස්තානයේ අමෙරිකානු තානාපතිවරයා විසින් ජීවිතාරක්ෂක පෝෂණ ආධාර මෙට්‍රික් ටොන් 486ක් යුනිසෙෆ් වෙත භාර දුන් වැඩසටහනකදීය.

පකිස්තාන බලධාරීන්ට අනුව රටකජු, සීනි, කිරිපිටි, තෙල්, විටමින් සහ ඛනිජ වලින් සාදන ලද පෝෂ්‍ය පදාර්ථ වලින් සපිරි පෝෂණ මලු එලෙස බෙදා දී තිබේ.

සින්ද් සහ බලෝකිස්තානයේ ගංවතුරෙන් බලපෑමට ලක් වූ ප්‍රදේශවල සිටින දරුණු උග්‍ර මන්දපෝෂණයෙන් පෙළෙන ළමුන් 29,000 කට වැඩි පිරිසකට ඉන් ප්‍රතිලාභ ලැබෙනු ඇති.

උත්සවය අමතමින් අමෙරිකානු තානාපති ඩොනල්ඩ් බ්ලෝම් පැවසුවේ, පකිස්තානයේ මන්දපෝෂණය සහ එහි දිගුකාලීන බලපෑම් සමනය කිරීම සඳහා එක්සත් ජනපද රජයේ කැපවීම මෙම පරිත්‍යාගය මගින් අවධාරනය කරන බවයි.