ශ්‍රී ලංකාව සහ එංගලන්තය අතර ලෝඩ්ස් ක්‍රිකට් ක්‍රීඩාංගණයේ පැවැත්වෙන දෙවැනි ටෙස්ට් ක්‍රිකට් තරගය ආරම්භයේදී ශ්‍රී ලංකා සුපිරි ක්‍රීඩක මහේල ජයවර්ධනට එහි සුප්‍රකට සීනුව නාද කිරීමට අවස්ථාව හිමිවිය.

කුමාර් සංගක්කාර, සනත් ජයසූරිය, මාවන් අතපත්තු, චමින්ද වාස්, අර්ජුන රණතුංග, සිදත් වෙත්තමුණි සහ කුෂිල් ගුණසේකර එම සීනුව නාද කිරීමට අවස්ථාව ලැබූ සෙසු ශ්‍රී ලාංකිකයන් අතර වේ.

ලෝඩ්ස් මණ්ඩපයේ පිටත පිහිටා ඇති සීනුව ක්‍රීඩාව ආරම්භ වීමට ආසන්න බව
සනිටුහන් කිරීම සඳහා නාද කරනු ලබයි.

ටෙස්ට් තරඟයක උදෑසන එය නාද කිරීමට ආරාධනා කිරීම මහත් ගෞරවයක් බවට පත්ව ඇත.

ගෞරවනීය පුද්ගලයන්ගේ ලැයිස්තුව කියවෙන්නේ ක්‍රිකට් ලෝකයේ හිටපු අන්තර්ජාතික නායකයන් සහ විශිෂ්ටයන් බොහෝ දෙනෙකු ක්‍රීඩාව ආරම්භවීමට මිනිත්තු පහක් ඇති බව සංඥා කිරීම සඳහා සීනුව නාද කර ඇති ආකාරයයි.

2007 වසරේදී එංගලන්තය බටහිර ඉන්දීය කොදෙව්වන් ක්‍රිකට් නිවහන වෙත පිළිගනු ලැබූ අවස්ථාවේදී ලෝඩ්ස් පිටියේදී එහි පළමු අවස්ථාව සිදු විය.

ජනප්‍රිය පිතිකරු ශ්‍රීමත් විවියන් රිචඩ්ස් සහ එම ටෙස්ට් තරගයේ හිටපු බීබීසී නිෂ්පාදක පීටර් බැක්ස්ටර් එම තරගයේ සීනු නාද කරන්නන් අතර වූහ.

ශ්‍රීමත් ගාෆීල්ඩ් සෝබර්ස් ද එම ගෞරවය හිමි කරගෙන ඇත.