‘යුක්තිය’ මෙහෙයුම යටතේ පොලිසිය විසින් සැකකරු අත්අඩංගුවට ගත් සැකකරුවකුගේ නිවෙස පරික්ෂා කිරීමට යෑමේදී අදාළ පුද්ගලයා විසින් නිවසේ සිටි සුනඛයන් පොලිස් නිලධාරීන් වෙත උසිගැන්වූ පුවතක් මාදිවෙල ප්‍රදේශයෙන් වාර්තා වේ.

විශේෂ මෙහෙයුමකින් අමල් ඉන්දික නමැති මත්ද්‍රව්‍ය ජාවාරම්කරුවකු කොටුකර ගැනීමට මිරිහාන පොලිසිය කටයුතු කර තිබේ.

සැකකරු යතුරුපැදියකින් ගමන්කරමින් සිටිය දී මාර්ගය හරස්කොට කළ පරීක්ෂාවක දී හෙරොයින් මිලිග්‍රෑම් 6,390ක ප්‍රමාණයක් සොයාගෙන ඇත.

පසු ව පොලිසිය විසින් සැකකරු අත්අඩංගුවට ගෙන ඔහුගේ නිවෙස පරීක්ෂාවට මාදිවෙල ප්‍රදේශයට ගොස් තිබේ.

එම අවස්ථාවේදී නිවසේ සිටි පුද්ගලයන් සුනඛයන් උසිගන්වා පොලිසිය ඇතුළුවීම වළකාලීමට කටයුතු කර ඇති බව පැවැසේ.

කෙසේවෙතත් පොලිසිය නිවෙසට ඇතුළුවී සිදුකළ සෝදිසියේදී නිවෙසේ තිබී හෙරොයින් ග්‍රෑම් 15ක් සොයාගත් බව පොලිසිය පවසයි.