March 7, 2024
ශ්‍රී ලංකාවට වඩා හොඳින් සහය වීම සඳහා වඩාත් නිවැරදි තොරතුරු සපයමින් ශ්‍රී ලංකාව පිළිබඳ බ්‍රිතාන්‍ය සංචාරක උපදේශන යාවත්කාලීන කරන ලෙස කොන්සර්වේටිව් පක්ෂයේ මයිකල් නේස්බි සාමිවරයා බ්‍රිතාන්‍ය රජයෙන් ඉල්ලා සිටියේය.
“විරෝධතා නොමැති අවස්ථාවක දැනට විරෝධතා පැවැත්වෙන බවට ශ්‍රී ලංකාව සම්බන්ධයෙන් එක්සත් රාජධානියේ විදේශ, පොදුරාජ්‍ය මණ්ඩලයීය සහ සංවර්ධන කාර්යාලය කර තිබෙන සඳහන් කිරීම පිළිබඳ මා කණස්සල්ලට පත්වනවා. ඉන්ධන හිඟයක් පවතින බව සඳහන් කර තිබුණත් මාස 18ක් තිස්සේ එවැනි තත්ත්වයක් නැහැ. ත්‍රස්තවාදී ස්වභාවයේ වෙනත් දුෂ්කරතා ඇති බවත් ඔවුන් සඳහන් කර තිබෙනවා, නමුත් වසර පහක් තිස්සේ එවැනි තත්ත්වයක් අපට දකින්නට නැහැ’ යනුවෙන් ඔහු ප්‍රකාශ කර තිබේ.
ශ්‍රී ලංකාවේ සංචාරක ක්‍ෂේත්‍රය ශීඝ්‍රයෙන් ප්‍රකෘතිමත් වෙමින් පවතින බව පවසන ඔහු, එක්සත් රාජධානියේ විදේශ, පොදුරාජ්‍ය මණ්ඩලයීය සහ සංවර්ධන කාර්යාලය ශ්‍රී ලංකාව පිළිබඳ වඩාත් නිවැරදි සංචාරක උපදේශන තොරතුරු ලබා දෙන්නේ නම්, බ්‍රිතාන්‍ය සංචාරකයන් වැඩි ප්‍රමාණයක් ශ්‍රී ලංකාවට පැමිණෙනු ඇතැයි විශ්වාසය පළ කළේය.
ශ්‍රී ලංකාවේ සත්‍ය හා ප්‍රතිසන්ධාන කොමිසමේ ප්‍රගතියට ඔහු ප්‍රශංසාවට ලක්කර තිබේ.
එසේම නේස්බි සාමිවරයා, ශ්‍රී ලංකාවේ නීති වෘත්තියේ නියැලෙන්නන්ගේ ප්‍රමිතිය සම්බන්ධයෙන් ඔහුගේ හිතවතකු වූ දිවංගත ශ්‍රීමත් ඩෙස්මන්ඩ් ද සිල්වා කළ ප්‍රකාශයක් ගෙනහැර දක්වමින් සඳහන් කළේ නීතිඥයන්ගේ ගුණාත්මක බව අතින් ශ්‍රී ලංකාව කිසිවකුට දෙවැනි නැති බවයි.
“එය පිහිටුවා ඇති පරිදි, එය ඇත්ත වශයෙන්ම ජනවාර්ගික කණ්ඩායම් හරහා වනු ඇත – එය විය යුතුය. තරයේ වාස්තවික වූ පිරිසක් එහි සිටින බවද ඔහු වැඩිදුරටත් පැවසීය.
