හිටපු පාර්ලිමේන්තු මන්ත්‍රී ලොහාන් රත්වත්තේට අයත් ජීප් රථයක් අනතුරකට ලක්ව ඇත.

වාරියපොළ දන්ගහපොළ ප්‍රදේශයේ මෙම රිය අනතුර සිදුව ඇති අතර, අනතුර සම්බන්ධයෙන් ජීප් රථය පැදවූ රියැදුරු අත්අඩංගුවට ගෙන තිබේ.

ලොහාන් රත්වත්තේගේ පසුගමන් රථය ලෙස ධාවනය කර ඇති මෙය, ත්‍රිරෝද රථයකට ඉස්සර කිරීමට උත්සාහ කිරීමේදී මාර්ගයෙන් ඉවතට පැන බස් නැවතුම්පොළක හැපී ඇත.

අනතුරින් බස් නැවතුම්පොළට හානි සිදුවීමත් සමග ප්‍රදේශවාසීන් හිටපු මන්ත්‍රීවරයාට සහ පිරිසට විරෝධය පළකර ඇතැයි පොලිසිය කියයි.

මන්ත්‍රීවරයාගේ රථයේ ගිනිඅවි ඇති බවට ප්‍රදේශවාසීන් පොලිසියට පැමිණිලි කර ඇති බවද පැවැසේ.

අනතුරුව ලොහාන් රත්වත්තේ ගමන්ගත් රථය වාරියපොළ පොලිසියේදී පරික්ෂාවට ලක්කර ඇත.

එහි තිබී රිපටර් වර්ගයේ ගිනිඅවි දෙකක් සහ පිස්තෝලයක් සොයාගත් බව පොලිසිය සඳහන් කරයි.

එම ගිනිඅවිවල බලපත්‍ර වලංගු බැවින් මන්ත්‍රීවරයා සහ රථය මුදාහැර තිබේ.