2025 පළාත් පාලන මැතිවරණයට නායකත්වය ලබාදීම සඳහා හිටපු පාර්ලිමේන්තු මන්ත්‍රී ලොහාන් රත්වත්තේ නැවත ශ්‍රී ලංකා පොදුජන පෙරමුණට (SLPP) එක්වී තිබේ.

මීට පෙර, රත්වත්තේ 2024 ජනාධිපතිවරණයේදී නව ප්‍රජාතන්ත්‍රවාදී පෙරමුණේ අපේක්ෂක රනිල් වික්‍රමසිංහට සහාය දැක්වීම සඳහා ශ්‍රී ලංකා පොදුජන පෙරමුණින් ඉවත් වූ අතර ඔහු මහමැතිවරණයටද ඉදිරිපත් නොවීය.

කෙසේවෙතත්, සඳුදා (මාර්තු 11) මහනුවරදී ජනමාධ්‍ය අමතමින් ලොහාන් රත්වත්තේ පළාත් පාලන මැතිවරණය සඳහා නැවත ශ්‍රී ලංකා පොදුජන පෙරමුණට එක්වීමට සැලසුම් කර ඇති බව නිවේදනය කළේය.

ඔහු පැවැසුවේ මහනුවර දිස්ත්‍රික්කය සඳහා ශ්‍රී ලංකා පොදුජන පෙරමුණේ නායකත්වය භාරගැනීමට තමන් සූදානම් බවයි.

එළඹෙන පළාත් පාලන මැතිවරණයේදී ශ්‍රී ලංකා පොදුජන පෙරමුණේ ජයග්‍රහණය සඳහා තම පූර්ණ දායකත්වය ලබා දෙන බවට ලොහාන් රත්වත්තේ සහතික විය.