ඊයේ (08) මඩකලපුව – සන්තිවේලි ප්‍රදේශයේ පැවති ජනාධිපති රනිල් වික්‍රමසිංහගේ ජන රැළියකට සහභාගී වෙමින් සිටි පුද්ගලයකු ජීව උණ්ඩයක් ළඟ තබාගැනීම සම්බන්ධයෙන් පොලිසිය අත්අඩංගුවට ගෙන තිබේ.

අත්අඩංගුවට ගත් 24 හැවිරිදි මෙම තරුණයාගේ මුදල් පසුම්බියේ තිබී ආරක්ෂක පරීක්ෂාවකදී ‘84S’ නමැති අවියට භාවිත කරන ජීව උණ්ඩය සොයාගත් බව පොලිසිය පවසයි.

කෙසේවෙතත්, මීට වසර 2කට පමණ පෙර මාර්ගයක තිබී සොයාගත් උණ්ඩය තමන් සන්තකයේ පැවැති බව තරුණයා ප්‍රකාශ කර තිබේ.

අත්අඩංගුවට ගත් සැකකරු අද (09) අධිකරණයට ඉදිරිපත් කිරීමට නියමිතව තිබේ.