සිංහල හා දෙමළ අලුත් අවුරුදු උත්සවයට සමගාමීව අප්‍රේල් 12 සහ 13 යන දෙදින තුළ දිවයින පුරා පිහිටි සියලුම සුරාසැල් වසාතබන බව සුරාබදු දෙපාර්තමේන්තුව නිවේදනය කරයි.

සුරාබදු කොමසාරිස් ජනරාල් එම්.ජේ.ගුණසිරි අවධාරණය කළේ, මෙම කාලසීමාව තුළ නීතිවිරෝධී මත්පැන් ජාවාරම් මැඩලීමේ ප්‍රයත්නයන් ඉහළ නංවන බවයි.

නීතිවිරෝධී මත්පැන් ව්‍යාපාර ඉලක්ක කර වැටළීම් සිදුකිරීම සඳහා දළ වශයෙන් නිලධාරීන් 300ක් පමණ යොදවන බව හෙතෙම අනාවරණය කරයි.

බලපත්‍රලාභී ආයතන තාවකාලිකව වසාදැමීමේදී ඉහළ යන නීතිවිරෝධී මත්පැන් වෙළඳාම මැඩළීම මෙම වැඩසටහනේ අරමුණයි.