2023 දී කොළඹ වරායේ බහාලුම් මෙහෙයුම් සාමාන්‍ය ප්‍රකෘතියක් අත්කර ගනිමින්, පෙර වසරේ ආර්ථික අර්බුදයේ සහ දේශපාලන හා සමාජීය නොසන්සුන්තාවයේ ප්‍රතිවිපාකවලින් යථා තත්ත්වයට පත්ව තිබේ.

ශ්‍රී ලංකා වරාය අධිකාරියේ දත්ත පෙන්නුම් කරන්නේ රතු මුහුදේ අර්බුදයෙන් ලැබුණු වාසි හේතුවෙන් දෙසැම්බර් මාසයේදී ප්‍රතිනැව්ගත බහාලුම් පරිමාවේ සැළකිව යුතු වැඩි වීමක් දක්නට ලැබෙන බවයි.

කොළඹ වරායේ බහාලුම් මෙහෙයුම් වසරින් වසර සියයට 1.3කින් 2023 දී බහලුම් මිලියන 6.949 දක්වා ඉහළ ගිය අතර එය ප්‍රධාන මාර්ගවලින් රට කෙරෙහි විශ්වාසය නැවත ඇති බව පෙන්නුම් කිරීමකි.

වරාය විසින් හසුරුවන ලද ප්‍රතිනැව්ගත කිරීමේ පරිමාව වසරින් වසර සියයට 2.1කින් බහලුම් මිලියන 5.75 දක්වා ඉහළ ගොස් ඇති අතර, එම කාලය තුළ ප්‍රතිනැව්ගත කිරීමේ පරිමාව වරායේ බහාලුම් මෙහෙයුම්වලින් සියයට 83ක් වී තිබේ.

පෙර වසරේ දෙසැම්බරයේ දී, වරාය විසින් හසුරුවන ලද ප්‍රතිනැව්ගත කිරීමේ පරිමාව අඛණ්ඩව දෙවැනි මාසය සඳහා පහත වැටීමෙන් පසුව, වසරින් වසර සියයට 10.4කින් බහලුම් 515,404 දක්වා ඉහළ ගියේය.

යේමනයේ හූති කැරලිකරුවන් විසින් රතු මුහුදේ යාත්‍රාවලට එල්ල කරන තීව්‍ර ප්‍රහාර මධ්‍යයේ නැව්ගත කිරීම් සහ ඉහළ රක්ෂණ වාරිකවල වළක්වා ගැනීම සඳහා කේප් ඔෆ් ගුඩ් හෝප් ආසන්නයේ දී තම යාත්‍රා නැවත හරවා යැවීමට තීරණය කළ ප්‍රධාන නැව් මාර්ග සඳහා කෙටිකාලීන සංක්‍රමණ ස්ථානයක් ලෙස මෙම වරාය මතු විය.

පවතින අර්බුදකාරී තත්ත්වයෙන් කොළඹ වරාය ප්‍රතිලාභ ලබන බවක් පෙනෙන්නට තිබුණද, පවතින අවිනිශ්චිතතාව සහ අස්ථාවරත්වය හේතුවෙන්, මෙම මෑතකාලීන ජයග්‍රහණ දිගු කාලීනව පැවතිය නොහැකි බව ක්‍ෂේත්‍රයේ ඇතැම් ක්‍රියාකාරීන්ගේ අදහස වී තිබේ.

මෙම අර්බුදය දිගටම නැව් කර්මාන්තය කඩාකප්පල් කරන්නේ නම්, කොළඹ වරායට එහි ප්‍රතිනැව්ගත කිරීමේ පරිමාවෙන් කොටසක් අහිමි විය හැකි බවට ඔවුන් අනතුරු ඇඟවීය.

කෙසේවෙතත්, ශ්‍රී ලංකා වරාය අධිකාරියේ සභාපති කීත් ඩී. බර්නාඩ් මෙතෙක් දක්නට ලැබුණු වත්මන් ප්‍රවණතාවයේ අඛණ්ඩ පැවැත්ම පිළිබඳව තරමක් සුබවාදී විය.

වර්ෂය තුළ, ආනයන බහාලුම් (පැටවූ) පරිමාව 438,234 දක්වා සියයට 0.6කින් අඩු වූ අතර, අපනයන බහාලුම් (පැටවූ) පරිමාව වසර 6කින් පහළ ගොස් 263,440ක් විය.

කෙසේවෙතත්, වරායේ මෙහෙයුම් පරිමාව වසර තුළ බහලුම් 205,659 දක්වා සියයට 4.8කින් වැඩි විය.

වරායේ එකම පූර්ණ ක්‍රියාකාරී ගැඹුරු බහාලුම් පර්යන්තය වන කොළඹ අන්තර්ජාතික බහාලුම් පර්යන්තය වසර තුළදී බහලුම් මිලියන 3.22ක් හසුරුවා ඇති අතර එය 2021 වසරේ වාර්තා වූ 3.18සිට සියයට 1.2කින් ඉහළ යෑමකි.

මේ අතර, ශ්‍රී ලංකා වරාය අධිකාරිය විසින් කළමනාකරණය කරන ලද ජය බහාලුම් පර්යන්තය සහ එහි අර්ධ වශයෙන් ක්‍රියාත්මක වන නැගෙනහිර බහාලුම් පර්යන්තය එක්ව 2022 දී හසුරුවන ලද බහලුම් මිලියන 1.92 සිට සියයට .02කින් ඉහළ ගොස් 2023 දීමිලියන 1.96 ක් හසුරුවා ඇත.

ශ්‍රී ලංකා වරාය අධිකාරියට අනුව, කොළඹ වරාය මේ වසරේ මිලියන හතක් පමණ බහාලුම් පරිමාවන් ඉලක්ක කර ගනිමින් සිටින අතර, මෙම වසරේ වරායේ ධාරිතාව බහලුම් මිලියන 8.5 දක්වා වැඩි කිරීමට නියමිතය.