පසුගිය වසරේ පොලිස් අත්අඩංගුවේ දී සැකකරුවන් 24 දෙනෙකු මියගොස් ඇති බව ශ්‍රී ලංකා මානව හිමිකම් කොමිෂන් සභාව පවසයි.

සැකකරුවන් ආයුධ සෙවීමට රහසිගත ස්ථානවලට රැගෙන යන විට පොලිස් වෙඩි තැබීම්වලින් මියයෑම් නිතර වාර්තා වන බවත් අත්අඩංගුවේ පසුවන සැකකරුවන්ට ආරක්ෂාව ලබාදීම පොලිස් ස්ථානාධිපතිවරයාගේ වගකීමක් බවත් ශ්‍රී ලංකා මානව හිමිකම් කොමිසමේ කොමසාරිස් නීතිඥ නිමල් පුංචිහේවා පවසයි.

ඔහු සඳහන් කළේ පසුගිය මාස දෙක තුළ පොලිස් අත්අඩංගුවේ සිටියදී සැකකරුවන් දෙදෙනෙකු මිය ගොස් ඇති බවයි.

පොලිසියට එරෙහිව 2023 වසර සඳහා ශ්‍රී ලංකා මානව හිමිකම් කවුන්සිලයට මහජන පැමිණිලි 9,417ක් ලැබී ඇති බවත් ඉන් 44ක්ම යුක්තිය මෙහෙයුමේ සිදුවීම් සම්බන්ධයෙන් බවත් ඔහු පැවසීය.