කොළඹ කිංග්ස්බරි හෝටලය එළඹෙන නත්තල වෙනුවෙන් විචිත්‍රවත් නත්තල් සැරසිලිවලින් සරසා ඇති ආකාරය මේ දිනවල දැකගත හැකි වේ.

ආගන්තුකයන් පිළිගැනීම සඳහා මෙන්ම ආකර්ෂණය කර ගැනීම සඳහා හෝටලයෙන් පිටත සිටම අලංකාර ලෙස සකස් කර ඇත.

මෙම දර්ශනීය සැකැස්මේ ප්‍රධාන අංගයක් වන්නේ කිංග්ස්බරි හි සුප්‍රසිද්ධ ලාංඡනයට යටින් තබා ඇති යෝධ නත්තල් සරසිල්ලය.

විචිත්‍රවත් රතු සහ කොළ වර්ණවලින් සරසා ඇති උස සාම්ප්‍රදායික නත්තල් ගස අවට චමත්කාරය තව තවත් වැඩිකරන අතර නරඹන්නන්ගේ හද උණුසුම් කරවන දසුනක් වී තිබේ.

බාහිර අලංකරණය සේම කිංස්බරි හෝටලයේ ඇතුළත ද විශ්මයජනක අයුරින් සෑම අස්සක් මුල්ලක් නෑරම සරසා තිබේ.

කිංග්ස්බරි හි සෑම අස්සක් මුල්ලක් නෑරම මෙම නත්තල අමතක නොවන බවට පත් කිරීමට ගොස් ඇති කල්පනාකාරී බව සහ නිර්මාණශීලීත්වය පිළිබඳ සාක්ෂියකි.