August 16, 2023
ඖෂධවල ප්‍රමිතිය තහවුරු කිරීමට නිසි යාන්ත්‍රණයක් නොමැති තත්ත්වයක් තුළ, සෞඛ්‍ය ඇමැති කෙහෙළිය රඹුක්වැල්ල ලෝක සෞඛ්‍ය සංවිධානය (WHO) සමඟ ඖෂධවල ප්‍රමිතිය පරීක්ෂා කිරීම සඳහා ඉහළ ප්‍රමිතියකින් යුත් රසායනාගාරයක් ශ්‍රී ලංකාව තුළ පිහිටුවීම සඳහා සාකච්ඡාවක් පවත්වා ඇත.
තමා අගෝස්තු 15 වන දින ලෝක සෞඛ්‍ය සංවිධානයේ නියෝජිත ආචාර්ය අලංකා සිං සමඟ සාකච්ඡාවක් පැවැත්වූ බවත් එහිදී වැදගත් කරුණු මතු වූ බවත් ඇමැතිවරයා ජනමාධ්‍ය වෙත පවසා ඇත.
එවැනි රසායනාගාරයක් ක්‍රියාත්මක කිරීම සඳහා නියමයන් (ToR) සහ පිරිවිතර ලබාදෙන ලෙස තමා ලෝක සෞඛ්‍ය සංවිධානයෙන් ඉල්ලා සිටින බවද ඔහු පවසා තිබේ.
“අපට ශ්‍රී ලංකාවේ එවැනි රසායනාගාරයක් ස්ථාපිත කරන්න පුළුවන් නම්, කලාපයේ අනෙකුත් රටවල් සඳහා පරීක්ෂණ සිදු කිරීමෙන් අපට ආදායමක් උපයා ගන්න පුළුවන්” යැයි ඔහු වැඩිදුරටත් පවසා ඇත.
