කැබිතිගොල්ලෑව පොලිසියේ විශේෂ අපරාධ විමර්ශන අංශයේ ස්ථානාධිපති බීමත්ව රාජකාරියේ යෙදී සිටියදී අත්අඩංගුවට ගත් බව පොලිස් මූලස්ථානය පවසයි.

පොලිස් පරීක්ෂක තනතුරේ සිටිමින් රාජකාරි කරන මෙම නිලධාරියා බීමතින් සිට ඇති බවට කොට්ඨාස භාර ජ්‍යෙෂ්ඨ පොලිස් අධිකාරිවරයාට ලද තොරතුරක් මත මෙම අත්අඩංගුවට ගැනීම සිදුකර ඇති බව පොලිසිය අනාවරණය කරයි.

මෙම විනය විරෝධී ක්‍රියාව හේතුවෙන් ඔහුගේ වැඩ තහනම් කිරීමට පොලිස් මූලස්ථානය පියවර ගෙන ඇති බව සඳහන් වේ.