ජොන්සන් සහ ජොන්සන් (Janssen)හි ජැන්සෙන්(Janssen) ඖෂධ සමාගම් විසින් ඩෙංගු වැළැක්වීම සඳහා සංවර්ධනය කරන ලද ප්‍රථම පන්තියේ මුඛ ප්‍රති ඖෂධයක් වන JNJ-1802 යහපත් ප්‍රතිචාර දක්වා ඇතැයි නිවේදනය කර තිබේ.

ඉලිනොයිස් හි චිකාගෝ හි පැවති ඇමරිකානු නිවර්තන වෛද්‍ය සංගමයේ වාර්ෂික රැස්වීමේදී මෙම දත්ත ප්‍රකාශයට පත්කර ඇත.

JNJ-1802 යනු සායනික පරීක්ෂණයකදී මිනිසුන් තුළ එවැනි ක්‍රියාකාරකම් පෙන්වන පළමු ප්‍රතිවෛරසයයි.

මෙම සංයෝගය සැබෑ ලෝක පසුබිමක ඩෙංගු සෙරොටයිප් සංසරණයට එරෙහිව කාර්යක්ෂමතාව තහවුරු කිරීම සඳහා ප්‍රජා-පාදක ක්ෂේත්‍ර අධ්‍යයනයක් දක්වා ඉදිරියට ගොස් ඇත.

පිලිපීනය, තායිලන්තය, පේරු, බ්‍රසීලය සහ කොලොම්බියාව ඇතුළු රටවල් 10 ක මෙම ඖෂධය පිළිබඳව අධ්‍යයනය සිදුකර තිබේ.

සියලුම සහභාගිවන්නන් දින 85ක් පුරා නිරීක්ෂණය කර ඇත.

ලොව පුරා මිලියන 400ක පමණ ජනතාවක් වාර්ෂිකව ඩෙංගු වෛරසයට ගොදුරුවෙයි.