අමෙරිකාවේ දී පැවති වට අටක හෙවිවේට් තරගයකදී ජේක් පෝල් විසින් මයික් ටයිසන් පරාජය කර තිබේ.

ටෙක්සාස් ප්‍රාන්තයේ ආර්ලින්ටන් හි AT&T ක්‍රීඩාංගණයේ පැවති මෙම තරගයේ දී 80-72, 79-73 සහ 79-73 ලෙස පෝල් වෙනුවෙන් තරගයේ දී විනිසුරුවන් තිදෙනාම ලකුණු සටහන් කර තිබිණි.

ටෙක්සාස් බලපත්‍ර සහ නියාමන දෙපාර්තමේන්තුව විසින් අනුමත කරන ලද මෙම සටන මිනිත්තු 2ක කාලයකට සීමාවන වට යටතේ තරඟ කරන ලද අතර, සටන්කරුවන් දෙදෙනාම හෙවිවේට් සටන් සඳහා සාමාන්‍ය අවුන්ස 10ක අත්වැසුම් වෙනුවට අවුන්ස 14ක් වන අත්වැසුම් පැළඳ සිටියහ.

58 හැවිරිදි ටයිසන් සහ 27 හැවිරිදි පෝල් හමුවීමට නියමිතව තිබුණේ ජුලි 20 වැනිදාය.

නමුත් ටයිසන්ට මැයි මාසයේ මියාමි සිට ලොස් ඇන්ජලීස් දක්වා පියාසර කරන අතරතුර තුවාලයක් සඳහා වෛද්‍ය ප්‍රතිකාර ලැබීම හේතුවෙන් සටන කල් දමන ලදී.

ටයිසන් 1986 දී වයස අවුරුදු 20ක්ව සිටියදී ළාබාලතම හෙවිවේට් ශූරයා බවට පත් වූ අතර වසරකට පසුව ඔහු ප්‍රධාන ජයග්‍රහණ තුනම ලබාගනිමින් අවිවාදිත ශූරයා බවට පත් විය.

ඔහු 1990 පෙබරවාරියේදී 10 වැනි වටයේ දී ජේම්ස් “බස්ටර්” ඩග්ලස් හමුවේ ඓතිහාසික නොකවුට් පරාජයකට මුහුණ දෙන තෙක් ප්‍රධාන තරගාවලි තුනේ ජයග්‍රහණවලට හිමිකම් කියා තිබිණි.

පෝල් 2020 දී ඔහුගේ බොක්සිං දිවිය ආරම්භ කළේ බොහෝ දුරට මිශ්‍ර සටන් කලාවේ(MMA)  හිටපු සටන්කරුවන්ට එරෙහිව අඛණ්ඩව ජයග්‍රහණ හයක් සමගිනි.

පෝල්ගේ එකම පරාජය වූයේ 2023 පෙබරවාරියේදී ටොමී ෆියුරිට එරෙහිවය.

ඔහු එතැන් සිට ටයිසන් හමුවේ ලැබූ ජය ඇතුළුව සෘජු සටන් පහක් ජයගෙන ඇත.