November 30, 2023
පාර්ලිමේන්තු මන්ත්‍රී රොෂාන් රණසිංහ පාර්ලිමේන්තුවේදී කළ ප්‍රකාශ සම්බන්ධයෙන් නීතිමය ක්‍රියාමාර්ග ගැනීමට නොහැකි බැවින් ඔහුට එරෙහිව පවරා ඇති අධිකරණයට අපහාස කිරීමේ නඩුව වැරදි බව කථානායක මහින්ද යාපා අබේවර්ධන පැවැසීය.
විපක්ෂ නායක සජිත් ප්‍රේමදාස පාර්ලිමේන්තුවේදී කළ විමසීමකට පිළිතුරු දෙමින් කථානායකවරයා මේ බව සඳහන් කළේය.
“මන්ත්‍රීවරයකු සභාව තුළ කරන ප්‍රකාශ සම්බන්ධයෙන් කිසිවෙකුට නඩු පැවරිය නොහැකි බව පැහැදිලියි. අධිකරණයට අපහාස කිරීමේ නඩුව විභාග කර තීන්දුවක් දීමට අධිකරණයට ඉඩ දෙන්න.” ඔහු පැවසීය.
පාර්ලිමේන්තු වරප්‍රසාද පනතේ 03 සහ 04 සඳහන් කළ සජිත් ප්‍රේමදාස පැවසූයේ, පාර්ලිමේන්තු මන්ත්‍රීවරයකු පාර්ලිමේන්තුවේදී කරන ප්‍රකාශ සම්බන්ධයෙන් නඩු පැවරීමට හෝ අත්අඩංගුවට ගැනීමට නොහැකි බවයි.
