July 4, 2024
රුපියල් 25,000ක අල්ලසක් ලබා ගැනීම සම්බන්ධයෙන් මහබාගේ පොලිසියේ පොලිස් පරීක්ෂකවරයකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
වත්තල පල්ලියවත්ත ප්‍රදේශයේ පදිංචිකරුවකු විසින් කරන ලද පැමිණිල්ලකට අනුව මෙම අත්අඩංගුවට ගැනීම සිදුකර ඇත.
වාර්තා වන අන්දමට චෙක්පත් දෙකක් මුදල් නොමැතිව ප්‍රතික්ෂේප වීමට අදාළ අධිකරණ ක්‍රියාදාමයන් මඟහරවා ගැනීම සඳහා සැකකරු පැමිණිලිකරුගෙන් අල්ලස් ඉල්ලා ඇත.
එම චෙක්පත් මුදල වාරික වශයෙන් ගෙවීමට පහසුකම් සැලසීමටද සැකකරු පොරොන්දු වී තිබේ.
අත්අඩංගුවට ගත් පොලිස් පරීක්ෂකවරයා කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිතය.
