විශේෂ කාර්ය බලකායේ නිලධාරීන් කණ්ඩායමක් විසින් ගම්පහ උඩුගම්පොල ප්‍රදේශයේ සිදු කළ වැටලීමක දී පසුගිය අගෝස්තු 04 වැනිදා කඳාන පොලිස් වසමේ සිදුවු වෙඩි තැබීමට සම්බන්ධ මහමොලකාරිය බව කියන වයස අවුරුදු 32ක කාන්තාවක් අත්අඩංගුවට ගෙන ඇත.

අත්අඩංගුවට ගත් සැකකාරිය වැඩිදුර විමර්ශන කටයුතු සඳහා කඳාන පොලිස් ස්ථානය වෙත භාර දී ඇති අතර පුද්ගලයන් හා අවිආයුධ සඟවා තබා ගැනීමේ වරදට ආධාර අනුබලදීම ඇයට එල්ල වී ඇති චෝදනා බව පැවසේ.

පියෝ මාවත, කදාන ලිපිනයේ පිහිටි නිවසට ටී-56 වර්ගයේ අවියකින් වෙඩි තැබීමේ මෙම සිදුවීමට ආධාර අනුබල දීම, ගිනිඅවි ප්‍රවාහනය කිරීම, 7.62X39mm වර්ගයේ ජීව උණ්ඩ 56ක් හා 7.62X54mm වර්ගයේ ජීව උණ්ඩ 01ක් සන්තකයේ තබාගැනීම මත තවත් පුද්ගලයෙකුද දොම්පෙ ප්‍රදේශයේ දී අත්අඩංගුවට ගෙන ඇත.

වයස අවුරුදු 43ක් පුද්ගලයෙක් වන මෙම සැකකරුගෙන් සිදු කරන ලද වැඩිදුර ප්‍රශ්න කිරීමේ දී අනාවරණය වූ තොරතුරු මත ඉහත සදහන් අදාළ ජීව උණ්ඩ ප්ලාස්ටික් භාජනයක බහා නිවස පිටුපස ලිඳක් තුල සඟවා තිබියදී සොයාගෙන තිබේ.