රේගු නිලධාරීන් 40 දෙනෙකු සම්බන්ධයෙන් විමර්ශන ආරම්භ කර තිබේ.

වංචා දූෂණ සිදු කිරීමේ චෝදනා මත මෙම විමර්ශන ආරම්භ කර ඇත.

වසර 5 ක පමණ කාලයක සිට සිදුව ඇති එවැනි විනය විරෝධී ක්‍රියා සම්බන්ධයෙන් තොරතුරු අනාවරණය වී ඇතැයි, රේගු මාධ්‍ය ප්‍රකාශක සීවලී අරුක්ගොඩ සඳහන් කර ඇත.

අදාළ නිලධාරීන් අතුරින් සියයට 75 ක්, මේ වන විටත් සේවයේ නිරත වන නිලධාරීන් වේ.

විමර්ශනයේදී අනාවරණය වන කරුණු මත ඔවුන්ට එරෙහිව දැඩි නීතිමය පියවර ගන්නා බව, සීවලී අරුක්ගොඩ සඳහන් කර තිබේ.

අදාළ විමර්ශන ක්‍රියාත්මක වන්නේ, රේගුව තුළ සිදුවන වංචා දූෂණ අවම කිරීමේ වැඩපිළිවෙළේ එක් පියවරක් ලෙසය.