April 25, 2025
මහනුවර නගරයේ දළදා වන්දනාකරුවන් රැඳී සිටින පෝලිමක් අසලදී පොලිස් නිලධාරියකු විසින් හමුදා නිලධාරියකුට බැනවදින සිද්ධිය සම්බන්ධයෙන් පොලිසිය පරීක්ෂණයක් ආරම්භ කර ඇත.
එම සිද්ධියේ වීඩියෝ දර්ශන සමාජ මාධ්‍යවල පුළුල් ලෙස සංසරණය වී ඇත.
පොලිසියට අනුව, වැඩබලන පොලිස්පතිවරයාගේ නියෝගය මත සිද්ධිය සම්බන්ධයෙන් පරීක්ෂණය ආරම්භ කර තිබේ.
මහනුවර දිස්ත්‍රික්කය 1 භාර නිලධාරියාගේ අධීක්ෂණය යටතේ විමර්ශනය සිදුකෙරේ.
පරීක්ෂණයේ ප්‍රතිඵලය මත, සිද්ධියට සම්බන්ධ පොලිස් නිලධාරියාට එරෙහිව විනය ක්‍රියාමාර්ග ගන්නා බව පැවැසේ.
