2023/2024 වරිපනම් වර්ෂය සඳහා වන හිඟ බදු 2025 ජනවාරි 26 දිනට පෙර ගෙවිය යුතු බව දේශීය ආදායම් දෙපාර්තමේන්තුව නිවේදනය කරයි.

දේශීය ආදායම් දෙපාර්තමේන්තුවේ කොමසාරිස් ජනරාල් සේපාලිකා චන්ද්‍රසේකර කියා සිටියේ මෙම කාලසීමාව තුළ ගෙවීමට අපොහොසත් වන පුද්ගලයන්ට සහ සමාගම්වලට දඬුවම් ලැබෙනු ඇති අතර සහන හිමි නොවන බවයි.

නොගෙවූ ස්වයං තක්සේරු බද්ද සහ හිඟ බදු ගෙවීම් එකතු කිරීම සඳහා දේශීය ආදායම් ආඥාපනත යටතේ දෙපාර්තමේන්තුව විසින් ක්ෂේත්‍ර සමීක්ෂණ සහ නීතිමය කටයුතු ආරම්භ කර ඇත.

ගෙවීමට අපොහොසත් වන අයගේ බැංකු ගිණුම් පූර්ව දැනුම්දීමකින් තොරව රාජසන්තක කර ගනිමින් 2025 ජනවාරි මාසයේ සිට නීතිමය ක්‍රියාමාර්ග ගනු ලැබේ.

ඊට අමතරව හිඟ බදු මුදල් සඳහා අපරාධ නඩු ගොනු කළ හැකිය.