ඉන්දියාවේ විදේශ විනිමය සංචිත පසුගිය සතියේ ඩොලර් බිලියන 9.112කින් ඩොලර් බිලියන 615.971 දක්වා ඉහළ ගොස් තිබේ.

2023 දෙසැම්බර් 15න් අවසන් සතිය තුළ ඉන්දියාවේ විදේශ විනිමය සංචිත මෙලෙස වැඩි වී ඇත.

මෙම වැඩිවීම සතියක් සඳහා වූ ඉහළම අගය වන අතර, එය මාස 20ක ඉහළ අගයක් සනිටුහන් කර තිබේ.

ඉන්දියාවේ විදේශ විනිමය සංචිතවලට මුදල්, බැංකු තැන්පතු, බැඳුම්කර සහ ඉන්දියානු රුපියල හැර වෙනත් මුදල් වර්ගවලින් නම් කරන ලද අනෙකුත් මූල්‍ය වත්කම් ඇතුළත් වේ.

විදේශ විනිමය සංචිතවල විශාලතම සංරචකය වන ඉන්දියාවේ විදේශ මුදල් වත්කම් (FCA) ඇමරිකානු ඩොලර් බිලියන 8.349 සිට ඩොලර් බිලියන 545.048 දක්වා ඉහළ ගොස් ඇති බව මහ බැංකුවේ සතිපතා සංඛ්‍යාලේඛන දත්ත පෙන්වා දෙයි.

සතිය තුළ රන් සංචිතය ඩොලර් මිලියන 446කින් ද ඉහළ ගොස් තිබෙන බවටද වාර්තා වේ.