ඉන්දීය මුදල් ඇමතිනි නිර්මලා සීතාරාමන් නිල සංචාරයක් සඳහා අද ශ්‍රී ලංකාවට පැමිණීමට නියමිත බව වාර්තා වේ.

ඉන්දීය සම්භවයක් ඇති දෙමළ ජාතිකයන් ශ්‍රී ලංකාවට පැමිණීමේ 200 වැනි සංවත්සරය වන “NAAM 200” හි ප්‍රධාන දේශනය මුදල් ඇමතිවරිය විසින් පවත්වනු ඇත.

කොළඹදී පැවැත්වෙන ඉන්දු – ශ්‍රී ලංකා ව්‍යාපාරික සමුළුව අතරතුරදීද ඇය දේශනයක් පැවැත්වීමට නියමිතය.

ඇමතිනි සීතාරාමන් සිය නිල සංචාරයේදී ලංකා IOC තෙල් ටැංකි සංකීර්ණය, යාපනය සංස්කෘතික මධ්‍යස්ථානය සහ යාපනය මහජන පුස්තකාලය වෙතද යෑමටද නියමිතය.