1996 වසරෙන් පසු පාකිස්ථානය පළමු වරට ගෝලීය ඉසව්වක් පැවැත්වීමට නියමිතව ඇත්තේ ලබන වසරේ පෙබරවාරි සහ මාර්තු මාසවලදීය.

ඒ, කණ්ඩායම් අටකින් සමන්විත ඕවර 50 ශූරයන්ගේ කුසලානයයි.

නමුත් ඉන්දීය කණ්ඩායම පාකිස්ථානයට නොයන බව ඉන්දීය ක්‍රිකට් පාලක මණ්ඩලය විසින් අන්තර්ජාතික ක්‍රිකට් කවුන්සිලය වෙත දන්වා ඇතැයි පාකිස්ථාන ක්‍රිකට් මණ්ඩලය පවසයි.

“2025 ICC චැම්පියන්ස් කුසලානය සඳහා ඔවුන්ගේ කණ්ඩායම පාකිස්ථානයට නොයන බව ඉන්දීය ක්‍රිකට් පාලක මණ්ඩලය විසින් ඔවුන්ට දන්වා ඇති බව සඳහන් කරමින් පාකිස්ථාන ක්‍රිකට් මණ්ඩලයට ICC ය වෙතින් විද්‍යුත් තැපෑලක් ලැබී තිබෙනවා. පාකිස්ථාන ක්‍රිකට් මණ්ඩලය විසින් එම විද්‍යුත් තැපෑල ඔවුන්ගේ උපදෙස් සහ මගපෙන්වීම සඳහා පාකිස්ථාන රජය වෙත යොමු කර තිබෙනවා,” යනුවෙන් පාකිස්ථාන ක්‍රිකට් මණ්ඩලයේ ප්‍රකාශකයෙක් පැවසීය.

තරගාවලිය දින සියයකින් එනම් පෙබරවාරි 19 වැනිදා ආරම්භ වීමට නියමිතය.

ICC විසින් එහි කාලසටහන ඉදිරියේ දී තහවුරු කිරීමට නියමිතව තිබේ.

ICCය පාකිස්ථාන ක්‍රිකට් මණ්ඩලය ප්‍රකාශයට සෘජුව ප්‍රතිචාර දක්වා නැති නමුත් කාලසටහනකට අනුව පාකිස්ථානය සහ අනෙකුත් තරඟ කරන රටවල් හත සමඟ සාකච්ඡා කරමින් සිටී.

ඔවුන් ඉන්දීය ක්‍රිකට් පාලක මණ්ඩලයෙන් ද පිළිතුරක් ඉල්ලා ඇත.

විය හැකි එක් විසඳුමක් වනුයේ තරඟාවලිය ‘දෙමුහුන්’ ආකාරයෙන් පැවැත්වීමයි.

ඉන්දියාව ඔවුන්ගේ තරඟ පාකිස්ථානයෙන් පිටත, සමහර විට එක්සත් අරාබි එමීර් රාජ්‍යයේ පැවැත්විය හැකිය.

පාකිස්ථානය පසුගිය වසරේ ආසියානු කුසලානය සඳහා අනුග්‍රහය දක්වන විටත් මෙවැනිම ආකෘතියක් යොදාගෙන තිබිණි.

කෙසේවෙතත්, ඉන්දියාව අවසන් පූර්ව වටයට ගියහොත් පිළිමළුන් පිටුදැකීමේ තරඟ පවත්වන්නේ කොතැනද යන්න පිළිබඳ මෙමගින් තවදුරටත් ගැටළුවක් පැන නගිනු ඇත.

මේ අතර පාකිස්ථාන ක්‍රිකට් මණ්ඩලයේ සභාපති Mohsin Naqvi පසුගිය සිකුරාදා පවසා තිබුණේ පාකිස්ථාන ක්‍රිකට් මණ්ඩලය දෙමුහුන් විසඳුමක් පිළිගැනීමට සූදානම් නැති බවයි.

2016 T20 ලෝක කුසලානයට සහ 2023 පන්දුවාර 50 ලෝක කුසලානයට ක්‍රීඩා කිරීමට පාකිස්ථාන කණ්ඩායම ඉන්දියාවට ගියේය.

පසුගිය මාසයේදී ඉන්දියාව නොමැතිව තරඟාවලිය පැවැත්විය හැකි බවට වූ ඕනෑම යෝජනාවක් එංගලන්ත සහ වේල්ස් ක්‍රිකට් මණ්ඩලයේ ප්‍රධාන විධායක රිචඩ් ගුල්ඩ් විසින් ප්‍රතික්ෂේප කරන ලදී.

“ඔබ ඉන්දියාව හෝ පාකිස්ථානය නොමැතිව චැම්පියන්ස් කුසලානය ක්‍රීඩා කරන්නේ නම්, ඔබට විකාශන අයිතිය ලැබෙන්නේ නැහැ, අපි ඒවා ආරක්ෂා කළ යුතුයි,” යනුවෙන් ඔහු පැවසීය.

“එවැනි තත්ත්වයන් පැමිණියහොත් විවිධ විකල්ප තිබේ. මෙය පාකිස්ථානයට විශාල අවස්ථාවක් වන අතර අපට පකිස්ථානයේ හැකි උපරිම තරඟ ප්‍රමාණයක් පැවැත්විය හැකිය. එය කළ නොහැකි නම්, විකල්ප පවතින බව අපි දන්නවා.” යැයි ද ඔහු පවසා ඇත.

වසර 15කට පෙර ශ්‍රී ලංකා කණ්ඩායමට ත්‍රස්ත ප්‍රහාරයක් එල්ල වීමෙන් පසු 2009 සහ 2015 අතර පාකිස්ථානය කිසිදු අන්තර්ජාතික ක්‍රිකට් ක්‍රීඩා තරගයක් පැවැත්වූයේ නැත.

හිටපු එංගලන්ත සහාය පුහුණුකරු පෝල් ෆාබ්‍රේස් ශ්‍රී ලංකා කාර්ය මණ්ඩලයට සම්බන්ධව සිටි සමයේ පාකිස්ථානයේ බීබීසී ස්පෝර්ට්ස් වෙත පවසා තිබුණේ පාකිස්ථානය අන්තර්ජාතික ක්‍රිකට් සත්කාරකත්වය ලැබීමට සුදුසු බවයි.

“ඉතිහාසගත සිදුවීම් දෙරට අතර ‘ජලය මඩ කර’ ඇති බව මට සම්පූර්ණයෙන්ම වැටහෙනවා, නමුත් මෙය පාකිස්ථානයට යෑමට අවශ්‍යද නැද්ද යන්නට වඩා විශාල චිත්‍රයක් බව ඉන්දීය ක්‍රිකට් පාලක මණ්ඩලය තේරුම් ගත යුතුයි,” යනුවෙන් ඔහු වැඩිදුරටත් පැවසීය.

“ක්‍රීඩාව සම්බන්ධයෙන් ගත් කල, ‘නැහැ, අපට පාකිස්ථානයට යෑමට අවශ්‍ය නැහැ’ යැයි කීමට වඩා ඉන්දියාවට ක්‍රිකට් ක්‍රීඩාවේ දියුණුව දැකීමට අවශ්‍ය බව පෙන්වීමට මෙය අපූරු අවස්ථාවක්. ක්‍රීඩාව වර්ධනය කිරීම සඳහා ප්‍රබල රටවල් වෙනත් රටවලම සංචාරය කළ යුතුය. ඒ සම්බන්ධයෙන් ඉන්දියාවට ඕනෑවට වඩා බලයක් තිබෙනවා.” යනුවෙන් ඔහු පවසා ඇත.

කෙසේවෙතත් පවතින දේශපාලන ආතතීන් හමුවේ 2013 වසරේ සිට දෙරට ප්‍රධාන පිරිමි ක්‍රිකට් තරඟ හැර මෙම රටවල් දෙක එකිනෙකා සමග ක්‍රීඩා කර නොමැති අතර ඉන්දියාව වසර 16ක් පාකිස්ථානයේ ක්‍රීඩා කර නොමැත.