October 28, 2023
කැනඩාවේ වීසා සේවා කිහිපයක් නැවත ආරම්භ කිරීමට ඉන්දියාව ගත් පියවර “හොඳ ලකුණක්” බව කැනඩාවේ ආගමන ඇමැති මාක් මිලර් සඳහන් කර ඇත.
බොහෝ කැනේඩියානුවන් “කනස්සල්ලට පත් කාලයකින්” පසුව ඉන්දියාව මෙම තීරණය ගෙන ඇති බව ඇමැතිවරයා පවසා තිබේ.
ඔහු මෙම ප්‍රකාශය සිදුකරන්නේ, ඉන්දියාව ඔක්තෝබර් 26 බ්‍රහස්පතින්දා සිට ඉන්දියානු සම්භවයක් ඇති පුද්ගලයන්ට සහ සම්මන්ත්‍රණවලට සහභාගී වීමට හෝ ව්‍යාපාරික හෝ වෛද්‍ය හේතූන් සඳහා බලපත්‍ර අවශ්‍ය අයට වීසා නිකුත් කිරීම නැවත ආරම්භ කිරීමත් සමඟ ය.
ඔටාවා හි ඉන්දීය මහ කොමසාරිස් කාර්යාලය විසින් නිකුත් කරන ලද මාධ්‍ය නිවේදනයකට අනුව, ඉන්දියාව බ්‍රහස්පතින්දා සිට ප්‍රවේශ, ව්‍යාපාරික, වෛද්‍ය සහ සම්මන්ත්‍රණ වීසා සඳහා සේවා නැවත ආරම්භ කර ඇත.
සීක් බෙදුම්වාදී නායකයකු ඝාතනය කිරීම සම්බන්ධයෙන් කැනේඩියානු අගමැති ජස්ටින් ටෘඩෝ ඉන්දීය නිලධාරීන්ට එල්ල කළ චෝදනාවෙන් පසුව, ඉන්දියාව සහ කැනඩාව අතර ආතතිය උත්සන්න වූ අතර, සැප්තැම්බර් මාසයේදී ඉන්දියාව කැනඩාවේ වීසා සේවා තහනම් කළේය.
