56 C295 වර්ගයේ ගුවන් යානාවලින් පළමුවැන්න පසුගිය බදාදා ඉන්දියාවට ලැබුණු අතර, ඉන් 40ක් ප්‍රමුඛ පෙලේ යුරෝපීය ගුවන් සමාගමක් වන එයාර්බස් සහ ටාටා අතර හවුල්කාරිත්වයේ කොටසක් ලෙස ඉන්දියාවේ නිෂ්පාදනය කෙරේ.

ඉන්දීය පෞද්ගලික සමාගමක් ගුවන් යානයක් නිෂ්පාදනය කරන පළමු අවස්ථාව මෙයයි.

සැප්තැම්බර් 25 වන දින ගාසියාබාද් හි හින්ඩන් ගුවන් කඳවුරේදී මෙම ගුවන් යානය විධිමත් ලෙස ගුවන් හමුදාවට බඳවා ගැනීමට නියමිතය.

“එය ගුවන් හමුදාවට පමණක් නොව මුළු රටටම ප්‍රධාන සන්ධිස්ථානයකි. ඒ හේතු දෙකක් නිසා ය. පළමුව, ඉන්දීය ගුවන් හමුදාවේ උපායශීලී ගුවන් ගමන් හැකියාවන් එමගින් වැඩිදියුණු කරයි. ජාතියක් වශයෙන්, එය නව යුගයක ආරම්භය සනිටුහන් කරයි,” යැයි ගුවන් හමුදාවේ ප්‍රධානියා ගුවන් යානය අත්පත් කර ගනිමින් සඳහන් කර ඇත.

මෙම නව මෙම ගුවන් යානා වර්ගය විසින් ඉන්දීය ගුවන් හමුදාවේ තරමක් වයස්ගත ඇව්රෝ ගුවන් යානා බලඇණිය විශ්‍රාම ගැන්වීමට නියමිතය.

කිලෝ මීටර් 480ක පමණ උපරිම කෲස් වේගයකින් ගමන් කළ හැකි, ටොන් නවයක් හෝ භට පිරිස් 71ක් පමණ රැගෙන යා හැකි C295 ගුවන් යානය හෙලිකොප්ටර සහ ස්ථායී තටු සහිත ගුවන් යානා සඳහා ගුවනේදී ඉන්ධන පිරවීම සඳහාද භාවිත කළ හැක.