ඉදිරි සතියේ දී ශ්‍රී ලංකා රජය විසින් ගෙවිය යුතු ඩොලර් බිලියන 1 කට වැඩි මුදලක් ගෙවීම පැහැර හැරීම වැළැක්වීමට ඉන්දීය රජය පසුගිය සතියේ හුවමාරු ගිවිසුමක් යටතේ දිගුවක් ලබා දීමෙන් මැදිහත් වූ බව The Sunday Morning වාර්තා කරයි.

ඩොලර් බිලියන 1.7කට අධික මුදලක් ඉදිරි සතියේදී ශ්‍රී ලංකාව ගෙවීමට ඇත.

මෙම පොරොත්තු මුදල ආසියානු නිෂ්කාශන සංගමය (ACU) සහ දකුණු ආසියානු කලාපීය සහයෝගීතා සංගමය (SAARC) යාන්ත්‍රණය යටතේ දළ වශයෙන් ඩොලර් බිලියන 2.6 ක විශේෂ හුවමාරු ගිවිසුමකි.

කෙසේවෙතත්, නව ආර්ථික ප්‍රකෘතිය සහ ශ්‍රී ලංකා නව ආණ්ඩුව අන්තර්ජාතික මූල්‍ය අරමුදල (IMF) සමඟ ආරම්භ කරන ඉදිරි සාකච්ඡා සැළකිල්ලට ගනිමින්, ඉන්දියාව ශ්‍රී ලංකාවේ ආර්ථික ස්ථායීකරණ ක්‍රියාවලියට සහාය වීම සඳහා හුවමාරු ගිවිසුම් වැඩපිළිවෙළ කල්තියා දීර්ඝ කර ඇති බව දැනගන්නට ඇත.

පසුගිය මාසයේ ජනාධිපතිවරණයට පෙර සතියේදී, ශ්‍රී ලංකාව ඉන්දියාවට ඩොලර් මිලියන 400 ක් ආපසු ගෙවා ඇති අතර, ආසියානු නිෂ්කාශන සංගමය වෙත ගෙවිය යුතු අමතර ඩොලර් මිලියන 200 ක් ද සමඟින් ගෙවා ඇති බව වාර්තා වේ.