පාකිස්ථානයේ හිටපු අගමැති ඉම්රාන් ඛාන් සහ ඔහුගේ බිරිඳ බුෂ්රා බීබී අතර 2018දී සිදුකළ විවාහය, ඉස්ලාමීය නීතිය උල්ලංඝණය කළ බවට තීන්දු කරමින් ඔවුන්ට වසර හතක සිර දඬුවම් එරට අධිකරණයක් පනවා තිබේ.

ඉම්රාන් ඛාන් සිරගත කර සිටින රාවල්පින්ඩි නගරයේ අඩියාලා බන්ධනාගාරය තුළ පිහිටුවා ඇති සිවිල් අධිකරණය සෙනසුරාදා යුවළ ඉදිරියේ දඬුවම ප්‍රකාශයට පත්කළේය. ඒ සමග ඔවුන්ට රුපියල් මිලියනයක (ඩොලර් 3,560) දඩයක් ද නියම කළේය.

ඛාන් සමඟ විවාහ වීමට පෙර, ඔහුගේ දික්කසාද වූ බිරිඳ ඉස්ලාමීය නීතිය යටතේ අවශ්‍ය මාස තුනක විවේක කාලය ගතනොකළ බවට චෝදනා කරමින් මෙම යුවළට එරෙහිව නඩුව පසුගිය වසරේ ගොනුකරන ලද්දේ බිබීගේ හිටපු සැමියා වන ඛවාර් මනේකා(Khawar Maneka) විසිනි.