මාර්ග නීති කඩන රියැ­දු­රන් ආර­ක්ෂක කැමරා මඟින් නිරී­ක්ෂ­ණය කර දඩ පත්‍රිකා නිව­ස­ටම ලබාදීමේ පොලි­සියේ අලුත්ම ක්‍රියා­න්වි­තය අද (22) සිට දියත් කිරී­මට පොලිස් රථ­වා­හන අංශය සැල­සුම් කර ඇත.

මෙම ක්‍රියා­න්වි­තය දියත් සිදුකරනු ලබන්නේ කොළඹ නග­රය ආශ්‍රි­තව පම­ණක් වන අතර, ඒ පොලි­සිය හා ආශ්‍රිත ආර­ක්ෂක කැමරා පද්ධ­ති­යක් ක්‍රියා­ත්මක වන්නේ, කොළඹ නග­රය තුළ පම­ණක් වන බැවිනි.

මෙම කැමරා පද්ධ­තිය කොළඹ නග­රයේ ස්ථාන 30කට ආසන්න ප්‍රමා­ණ­යක් කැමරා 118කින් ආව­ර­ණය වන බව පොලිස් තොර­තුරු සඳ­හන් කළේය.

කොළඹ නග­රයේ කැමරා පද්ධ­තිය යුද්ධය පැවැති සමයේ දී කොළඹ ආර­ක්ෂාව මුල්ක­ර­ගෙන ස්ථාපිත කිරී­මට ආරම්භ කර­මින් රුපි­යල් මිලි­යන 300ක් වැය කර තිබිණි.

එහෙත් මෙම කැමරා පද්ධ­ති­යෙන් වැඩගැනීම ආරම්භ වන්නේ 2010 වසරේ දෙසැ­ම්බර් 29 වෙනි­දාය. ඒ, ස්ථාන 27ක සවි­කළ කැමරා 105ක් මඟිනි.

ඒ වන විට යුද්ධය නිම වී තිබීම හේතු­වෙන් මෙම කැමරා පද්ධ­තිය ප්‍රයෝ­ජ­න­යට ගනු ලබන්නේ පොලි­සිය රථ­වා­හන හා අප­රාධ පාලන කට­යුතු සඳ­හාය. ඒ සඳහා ආර­ක්ෂක කැමරා ආවේ­ක්ෂණ අංශ­යක් ද ස්ථාපිත කරනු ලැබීය.

කොළඹ නග­ර­යට ඇතුළු වන ප්‍රධාන මාර්ග සිය­ල්ලක්ම මෙම කැමරා පද්ධ­ති­යෙන් ආව­ර­ණය වන අතර, වැල්ල­ව­ත්තෙන් ගාලු පාර ද හයි­ලෙ­වල් මාර්ගය කිරු­ල­ප­නින් ද, අවි­ස්සා­වේල්ල පරණ පාර ඔරු­ගො­ඩ­ව­ත්තෙන් ද, නුවර පාර කැළ­ණිය අලුත් පාල­මෙන් ද, මීග­මුව හලා­වත මාර්ගය තොට­ළ­ඟින් ද, බත්ත­ර­මුල්ල මාර්ගය ආයු­ර්වේ­දය වටරවු­මෙන්ද, වශ­යෙන් ආව­ර­ණය වනු ඇත.

ඒ හැරු­ණු­කොට, ප්‍රධාන මංසන්ධි වන බොරැල්ල, නෙළුම් පොකුණ වට­ර­වුම, බන්ධ­නා­ගා­රය ඉදි­රි­පිට, දෙම­ට­ගොඩ, තුම්මුල්ල වැනි ප්‍රධාන මංසන්ධි සහ ආර­ක්ෂක මර්ම­ස්ථාන පිහිටි ප්‍රදේ­ශය ද මෙම කැමරා පද්ධ­තිය මඟින් ආව­ර­ණය වනු ඇත.

පොලි­සිය පව­සන ආකා­ර­යට අනුව අද සිට ක්‍රියා­ත්මක වන්නේ නිවෙසට දඩ පත්‍රිකා ලබාදීමේ වැඩ­පි­ළි­වෙ­ළකි.

මෙම කට­යුත්තේ දී දඩ පත්‍රි­කාව නිව­සට ගෙන­විත් දෙන්නේ පොලිස් නිල­ධා­රීන් විසිනි. ඒ රථයේ ලියා­ප­දිංචි අයි­ති­ක­රු­ටය.

මෙසේ දඩ පත්‍රිකා නිකුත් කිරී­මට නීති­මය හැකි­යා­වක් ද මෝටර් රථ පන­තින් ලැබී ඇති බව රථ­වා­හන අංශය භාර ජ්‍යෙෂ්ඨ නියෝජ්‍ය පොලි­ස්පති ප්‍රියන්ත වීර­සූ­රිය සඳ­හන් කළේය.

ලියා­ප­දිංචි අයි­ති­ක­රුගේ ලිපි­නය ඇති ස්ථාන­යට අදාළ ප්‍රදේ­ශයේ පොලිස් ස්ථානය මඟින් දඩ පත්‍රි­කාව නිකුත් කෙරෙන බවත්, ඒ සම්බ­න්ධ­යෙන් තාක්ෂ­ණික කාරණා මේ දින­වල සකස් කර­මින් සිටින බවත් ඔහු පැව­සීය.

මෙහිදී වාහ­නය පද­වන්නේ හිමි­කරු නොවන අයෙක් වුවත් දඩය ගෙව­න්නට සිදු­වන්නේ හිමි­ක­රු­ටය. එසේම අපේ රටේ ඇතැම් වාහන ඇත්තේ විවෘත පත්‍රිකා ඔස්සේ පුද්ග­ල­යන් කිහිපදෙනෙකු අතින් අත ගොස් සැබෑ ලියා­ප­දිංචි හිමි­කරු නොවන අය සතු­යම් වාහ­න­යක් තවත් අයෙකු­ගෙන් මිලදී ගත්තේ නම් එය කඩි­න­මින් තමන්ගේ නමින් ලියා­ප­දිංචි කර­ගත යුතුව ඇති බවත්, එසේ නොවන්නේ නම් එය නීතිය ඉදි­රියේ වර­දක් බවද ජ්‍යෙෂ්ඨ නියෝජ්‍ය පොලි­ස්පති ප්‍රියන්ත වීර­සූ­රිය කීය.(දිනමිණ)