අන්තර්ජාතික ක්‍රිකට් කවුන්සිලය (ICC) සාර්ථක අත්හදා බැලීමේ කාල සීමාවකින් පසුව අන්තර්ජාතික ක්‍රිකට් ක්‍රීඩාවේ සම්මත අංගයක් බවට පත්කරමින් නැවතුම් ‘ඔරලෝසු රීතිය’ ස්ථිරවම ක්‍රියාත්මක කිරීමට සූදානම් වන බව වාර්තා වේ.

Cricbuzz වාර්තා කර ඇති ආකාරයට, මුලදී 2023 දෙසැම්බරයේ පර්යේෂණාත්මක පදනමක් මත හඳුන්වා දුන් මෙම රීතිය, එළඹෙන ජුනි මාසයේදී පැවැත්වෙන විස්සයි20 ලෝක කුසලානයේදී සහ අන්තර්ජාතික එක්දින තරගවලදී ඇතුළුව සියලුම සුදු පන්දු ක්‍රිකට් වල ක්‍රියාත්මක කිරීම සඳහා දැන් අනුමත කර ඇත.

‘නැවතුම් ඔරලෝසු රීතිය’ ඉලක්ක කරන්නේ පන්දු රකින කණ්ඩායමට, පෙර පන්දුවාරය අවසන් වී තත්පර 60ක් ඇතුළත ඊළඟ ඕවරය ආරම්භ කිරීමට බලකිරීම මගින් නියමිත වේලාවට තරඟ අවසන් කිරීම සහතික කිරීමයි.

ඕවර අතරතුර ඉලෙක්ට්‍රොනික ඔරලෝසුවක් ප්‍රදර්ශනය කෙරෙන අතර, රීතිය ක්‍රියාත්මක කිරීම සඳහා විනිසුරුවන් වගකිව යුතුය.

රීතිය උල්ලංඝනයන් සඳහා ලකුණු පහක දඩයකට මුහුණ දීමට පෙර, පන්දු රකින කණ්ඩායම්වලට අනතුරු ඇඟවීම් දෙකක් නිකුත් කෙරෙනු ඇත.

අත්හදාබැලීමේ කාලසීමාව තුළ, ICC සහ එහි ක්‍රිකට් කමිටුව විසින් රීතියේ සඵලතාවය ඇගයීමට ලක්කළ අතර, එය ස්ථිර ලෙස සම්මත කර ගැනීමේ හැකියාව සහතිඅක් කරගෙන ඇත.

සියලුම ICC සුදු-පන්දු ක්‍රීඩා සඳහා රීතිය විශ්වීය කිරීමට ගත් තීරණය සීමිත ඕවර ක්‍රිකට් ක්‍රීඩාවේ වේගය සහ උද්දීපනය පවත්වා ගැනීමට ඇති කැපවීම අවධාරණය කරයි.