ශ්‍රී ලංකා ක්‍රිකට් ආයතනය විසින් අන්තර්ජාතික ක්‍රිකට් කවුන්සිලයට යවා ඇති ලිපි තුන පිළිබඳව සොයා බලන බව ජනාධිපති රනිල් වික්‍රමසිංහ අද ප්‍රකාශ කළේය.

එම ලිපි තුන තමා වෙත එවන ලෙස විපක්ෂ නායක සජිත් ප්‍රේමදාසගෙන් ඉල්ලීමක් කළ ජනාධිපතිවරයා, ඒ පිළිබඳව සොයා බලන බවට සහතික විය.

ඔහු මේ බව කියාසිටියේ, ශ්‍රී ලංකා ක්‍රිකට් ආයතනයේ කටයුතුවලට අනවශ්‍ය ඇඟිලි ගැසීම් සිදුවන බව පවසමින්, ශ්‍රී ලංකා ක්‍රිකට් ආයතනය අත්හිටුවන ලෙස ඉල්ලමින්, නොවැම්බර් 6, 7 සහ 9 යන දිනවල ICC වෙත ලිපි තුනක් යවා ඇති බවට සිදුකළ විපක්ෂ නායකවරයාගේ ප්‍රකාශයකට පිළිතුරු ලබාදෙමිනි.

විපක්ෂ නායකවරයා කියාසිටියේ, තමන් එම ලිපි තුන පාර්ලිමේන්තුවේ සභාගත කළ බවයි.

“ලිපි තුන මට එවන්න. මම ඒවා ගැන පසු විපරමක් කරන්නම්” ජනාධිපතිවරයා පැවැසුවේය.