සති කිහිපයකට පෙර ශ්‍රී ලංකාවේ එළිදක්වන ලද නව රේන්ජ් රෝවර් රථයෙන් ඒකක 135ක් මේ වන විටත් කළින් වෙන්කරවා ගෙන ඇතැයි වාර්තා වේ.

මෙම සුඛෝපභෝගී SUV හි රථයෙහි පළමු වාහන තොගය ජුනි මාසයේදී දිවයිනට ලඟාවීමට නියමිතය.

ඇක්සස් මෝටර්ස් සාමාන්‍යාධිකාරී සංජය ජයසිංහ සඳහන් කර ඇත්තේ, ශක්තිමත් පෙර ඇණවුම් සංඛ්‍යාවක් පවතින බැවින්, ඉල්ලුම ඊටත් වඩා ඉහළ යනු ඇතැයි අපේක්ෂා කරන බවයි.

“අපි මුලින් බලාපොරොත්තු වුණේ පෙර-ඇණවුම් 200කට වඩා වැඩිවෙයි කියලා. නමුත් මිල වැඩිවීමත් සමඟ වෙළඳපොළ තුළ දෙගිඩියාවක් මතුවුණා” යනුවෙන් Mirror Business වෙත අදහස් දක්වමින් ඔහු පවසා තිබේ.

නව රේන්ජ් රෝවර් රථයේ මිල රුපියල් මිලියන 147 කි.

කෙසේවෙතත්, වෙළෙඳපොළ ස්ථාවර වන විට ඇණවුම් ඉහළ යනු ඇතැයි සංජය ජයසිංහ විශ්වාසය පළකර ඇත.

මෙම මාදිලිය විවිධ බාහිර වර්ණවලින් පැමිණෙන අතර, ශ්‍රී ලාංකික ගැනුම්කරුවෝ වඩාත් සාම්ප්‍රදායික තේරීම් තෝරාගැනීමට නැඹුරු වෙති.

වෙළඳපල තුළ සාමාන්‍යයෙන් ඇණවුම් කරන ලද වර්ණ වන්නේ Ostuni White, Fuji White, Batumi Gold සහ Santorini Black වේ.