ඉදිරි ජනාධිපතිවරණයේදී ඡන්දය ප්‍රකාශ කළ යුතු ආකාරය පිළිබඳව ජාතික මැතිවරණ කොමිෂන් සභාව මාර්ගෝපදේශයක් නිකුත් කර තිබේ.

මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක මාර්ගෝපදේශ නිකුත් කරමින් පවසා ඇත්තේ, ඡන්දදායකයන්ට තම පළමු මනාපය එක් අපේක්ෂකයෙකුටත් දෙවැනි සහ තුන්වැනි මනාපය තවත් අපේක්ෂකයන් දෙදෙනෙකුටත් සලකුණු කිරීමට අවස්ථාව හිමිවන බවයි.

ඡන්දදායකයන්ට ද තම පළමු මනාපය පමණක් සලකුණු කිරීමේ තේරීම ඇති බවද සභාපතිවරයා පවසයි.

ඒ අනුව ඉදිරි මැතිවරණයේදී ඡන්දදායකයකුට ඡන්දය ප්‍රකාශ කළ හැකි ක්‍රම දෙක පිළිබඳව මැතිවරණ කොමිෂන් සභාව පහත මාර්ගෝපදේශය නිකුත් කර ඇත.