අසල්වැසියෙකුට පහරදීම සම්බන්ධයෙන් අත්අඩංගුවට ගත් රුසියාවේ හිටපු ශ්‍රී ලංකා තානාපති උදයංග වීරතුංග ජනවාරි 17 වන දින දක්වා රක්ෂිත බන්ධනාගාරගත කර තිබේ.

නුගේගොඩ, තලපත්පිටිය, කනත්ත පාරේ මායිම් බිත්ති ආරවුලක් සම්බන්ධයෙන් ඇති වූ ආරවුලකදී ප්ලාස්ටික් පයිප්පයකින් පහර දීමෙන් වින්දිතයා වන 66 හැවිරිදි ලියනගේ සරත් චන්ද්‍රසිරිගේ මුහුණේ දරුණු තුවාල සිදුවී ඇති අතර නාසය කැඩීගොස් ඇත.

ජනවාරි 9 වැනි දින සිදු වූ මෙම පහරදීම අදාළ නිවසේ නිවැසියන් පටිගත කර ඇත.

උදයංග වීරතුංග අද (10) උදෑසන මිරිහාන පොලිසිය විසින් අත්අඩංගුවට ගෙන නුගේගොඩ මහේස්ත්‍රාත් අධිකරණයට ඉදිරිපත් කරන ලද අතර, එහිදී ඔහු රක්ෂිත බන්ධනාගාර ගත කිරීමට නියෝග කරන ලදී.