ශ්‍රී ලංකා මහ බැංකුවේ 2022 වාර්ෂික වාර්තාවට අනුව විදේශ රැකියා සඳහා පිටත්වීම් පසුගිය වසරේ සියයට 154.4 ක සැළකිව යුතු වර්ධනයක් වාර්තා කර ඇත.

එම වාර්තාවට අනුව, විදේශ රැකියා සඳහා පිටත්වීම් 2021 දී 122,264 සිට 2022 දී 311,056 ක විශාල වර්ධනයක් වාර්තා කර තිබේ.

2022 වසර තුළ රට තුළ පැවති ආර්ථික දුෂ්කරතා හේතුවෙන් විදේශ රැකියා සඳහා පිටත්ව යෑම් සැළකිව යුතු ලෙස ඉහළ ගොස් ඇති බව වාර්තාවේ වැඩිදුරටත් සඳහන් වේ.

ඒ අනුව, විදේශ රැකියා සඳහා පිටත්ව යන පිරිමින් සහ කාන්තාවන් විදේශ රැකියා සඳහා පිටත්ව යාමේ මුළු ප්‍රමාණයෙන් පිළිවෙලින් සියයට 60.1ක් සහ සියයට 39.9ක් විය.

වෘත්තීය, මධ්‍යම මට්ටමේ, ලිපිකරු සහ අදාළ, නිපුණ, අර්ධ නිපුණතා, නුපුහුණු සහ ගෘහ සේවිකාව යන සියලුම නිපුණතා කාණ්ඩ යටතේ පිටත්වීම්, නුපුහුණු, පුහුණු සහ ගෘහ සේවිකාවන්ගේ ප්‍රධාන දායකත්වය සමඟින් වැඩිවී තිබේ.

මැදපෙරදිග කලාපය 2022 දී ද ප්‍රධාන විදේශ රැකියා ගමනාන්තය ලෙස අඛණ්ඩව පැවත ඇත.