සුප්‍රකට ෆෝබ්ස් සඟරාව මෙවරත් වාර්ෂික ප්‍රකෝටිපතියන්ගේ ලැයිස්තුව එළිදක්වා තිබේ.

ඒ අනුව, 2025 ලැයිස්තුවේත් පෙරමුණ ගැනීමට සමත්ව සිටින්නේ අමෙරිකානු ප්‍රකෝටිපති ව්‍යාපාරික එලෝන් මස්ක් ය.

ට්‍රම්ප් පරිපාලනයට සම්බන්ධවීම සම්බන්ධයෙන් යම් මූල්‍ය අභියෝග සහ විවේචනවලට මුහුණ දී සිටියදීත් මස්ක් තවදුරටත් ලොව ධනවත්ම පුද්ගලයා ලෙස සිය ස්ථානය ආරක්ෂා කර ගෙන සිටීම වැඩි කතාබහකට ලක්ව තිබේ.

අඟහරුවාදා ප්‍රකාශයට පත්කරන ලද ෆෝබ්ස් හි 39 වැනි වාර්ෂික ලෝක ප්‍රකෝටිපතියන්ගේ ලැයිස්තුවේ, ප්‍රකෝටිපතියන් 3,028ක් ඇතුළත් වන අතර, එය 1987 හි ලැයිස්තුව ආරම්භයේ සිට ඉහළම ප්‍රකෝටිපතියන් සංඛ්‍යාව සනිටුහන් කරයි.

මෙම වසරේ ලැයිස්තුවට ඉලක්කම් 12 ඉක්මවූ ධනය ඇති පුද්ගලයන් 15 දෙනකු වාර්තාගත ලෙස ඇතුළත් වන අතර, එය පෙර වසරට වඩා ඉහළ යෑමකි.

සාමූහිකව, මෙම ප්‍රකෝටිපතියන්ගේ ඒකාබද්ධ ශුද්ධ වත්කම ඩොලර් ට්‍රිලියන 16.1 කි.

ටෙස්ලා සහ ස්පේස්එක්ස් හි ප්‍රධාන විධායක නිලධාරී සහ එක්ස් (කළින් ට්විටර්) හිමිකරු වන එලොන් මස්ක්ගේ ශුද්ධ වත්කම් වටිනාකම 75% කින් ඉහළ ගොස් දළ වශයෙන් ඩොලර් බිලියන 342 දක්වා ළඟා වී ඇත.

ඒ අනුව, ඔහු ධනයෙන් ඩොලර් බිලියන 300 සීමාව ඉක්මවා ගිය පළමු පුද්ගලයා බවට පත්ව සිටියි.

2025 Forbes ලැයිස්තුවේ ලොව ධනවත්ම පුද්ගලයන් අතරින් පළමු ස්ථාන දසදෙනා මෙලෙසය.

එම දසදෙනාගෙන් 08 දෙනෙකුම අමෙරිකානු ව්‍යාපාරිකයින් වීම ද විශේෂත්වයකි.

1. එලොන් මස්ක්

ශුද්ධ වත්කම් වටිනාකම: ඩොලර් බිලියන 342 , වයස: 53 , රට: එක්සත් ජනපදය , කර්මාන්තය: මෝටර් රථ

2. මාර්ක් සකර්බර්ග්

ශුද්ධ වත්කම් වටිනාකම: ඩොලර් බිලියන 216 , වයස: 40 , රට: එක්සත් ජනපදය , කර්මාන්තය: තාක්ෂණය

3. ජෙෆ් බෙසෝස්

ශුද්ධ වත්කම් වටිනාකම: ඩොලර් බිලියන 215 , වයස: 61 , රට: එක්සත් ජනපදය , කර්මාන්තය: තාක්ෂණය

4. ලැරී එලිසන්

ශුද්ධ වත්කම් වටිනාකම: ඩොලර් බිලියන 192 , වයස: 80 , රට: එක්සත් ජනපදය , කර්මාන්තය: තාක්ෂණය

5. බර්නාඩ් ආර්නෝල්ට්

ශුද්ධ වත්කම් වටිනාකම: ඩොලර් බිලියන 178 , වයස: 76 , රට: ප්‍රංශය , කර්මාන්තය: විලාසිතා සහ සිල්ලර

6. වොරන් බෆට්

ශුද්ධ වත්කම් වටිනාකම: ඩොලර් බිලියන 154 , වයස: 94 , රට: එක්සත් ජනපදය , කර්මාන්තය: මුල්‍ය සහ ආයෝජන

7. ලැරී පේජ්

ශුද්ධ වත්කම් වටිනාකම: අමෙරිකානු ඩොලර් බිලියන 144 , වයස: 52 , රට: එක්සත් ජනපදය , කර්මාන්තය: තාක්ෂණය

8. සර්ජි බ්‍රින්

ශුද්ධ වත්කම් වටිනාකම: ඩොලර් බිලියන 138 , වයස: 51 , රට: එක්සත් ජනපදය , කර්මාන්තය: තාක්ෂණය

9. Amancio Ortega

ශුද්ධ වත්කම් වටිනාකම: ඩොලර් බිලියන 124 , වයස: 89 , රට: ස්පාඤ්ඤය , කර්මාන්තය: විලාසිතා සහ සිල්ලර

10. ස්ටීව් බෝල්මර්

ශුද්ධ වත්කම් වටිනාකම: ඩොලර් බිලියන 118 , වයස: 69 , රට: එක්සත් ජනපදය , කර්මාන්තය: තාක්ෂණය